កាលពីពេលថ្មីៗនេះ ក្រុមហ៊ុន Samsung បានធ្វើការបញ្ចេញនូវស្មាតហ្វូនបត់អេក្រង់ Samsung W25 និង W25 Flip ជាផ្លូវការ នៅក្នុងទីផ្សារប្រទេសចិន ដោយផ្នែកលើស្មាតហ្វូនត្រកូល Z រួមមាន Galaxy Z Flip 6 និង Galaxy Z Fold Special Edition ។
សម្រាប់ Samsung W25 Flip ទទួលបានអេក្រង់ខាងក្រៅទំហំ ៣,៤អ៊ីញ ខណៈអេក្រង់ខាងក្នុងមានទំហំ ៦,៧ អ៊ីញ ដែលផ្នែកកាមេរ៉ាវិញ មានលក្ខណៈខុសគ្នាបន្តិចបន្តួចពី Z Flip 6 ដោយកំណែ W25 Flip នេះមានបំពាក់នូវកាមេរ៉ាគោលខាងក្រោយទំហំ 50MP គាំទ្រមុចងារ AI និង 2x optical zoom។
ចំពោះ Samsung W25 វិញ ទទួលបានអេក្រង់ខាងក្រៅទំហំ ៦,៥អ៊ីញ (ដូចគ្នានឹង Z Fold Special Edition) ខណៈអេក្រង់ខាងក្នុងមានទំហំ ៨ អ៊ីញ។ ក្នុងនោះ W25 Fold មានបំពាក់ជាមួយកាមេរ៉ាគោលខាងក្រោយទំហំដល់ទៅ 200MP។ ទន្ទឹមនឹងនេះ ស្មាតហ្វូនមួយនេះ មានកម្រាស់ ៤,៩ និង ១០,៦ ម.ម និងទម្ងន់ ២៥៥ ក្រាម។
ចំណែកការរចនាផ្នែកខាងក្រោយរបស់ ស្មាតហ្វូន Samsung W25 និង W25 Flip មានការរចនាជាមួយស៊ុមអាលុយមីញ៉ូមពណ៌មាស និងបន្ទះសេរ៉ាមិចខាងក្រោយពណ៌ខ្មៅដែលមានឡូហ្គូលអក្សរចិន។
លើសពីនេះទៅទៀត Samsung W25 និង W25 Flip នឹងដំណើរការដោយកំពូលបន្ទះឈីប Snapdragon 8 Elite និងប្រព័ន្ធប្រតិបត្តិការ Android 15 ក៏ដូចជាអាវការពារទឹក និងធូលីកម្រិត IP68, មុខងារ Galaxy AI ព្រមទាំងទទួលបាន RAM 16GB និងអង្គផ្ទុក 512GB | 1TB ៕