កាលពីពេលថ្មីៗនេះ ក្រុមហ៊ុនផលិតទូរស័ព្ទដៃ Vivo បានប្រកាសដាក់បង្ហាញចេញជាផ្លូវការទូរស័ព្ទដៃសេរ៊ីថ្មី Huawei Nova 13 Series ជាមួយតម្លៃលក់ចាប់ពី ៣៧៨ ដុល្លារ ដល់ ៤៩១ ដុល្លារ សម្រាប់ Nova 13 និងចាប់ពី ៥១៩ ដុល្លារ ដល់ ៦៣១ ដុល្លារ សម្រាប់ Nova 13 Pro នៅក្នុងទីផ្សារប្រទេសចិន។
សម្រាប់ទូរស័ព្ទដៃ Huawei Nova 13 និង Nova 13 Pro ទទួលបានអេក្រង់ OLED ទំហំ ៦,៧ និងអេក្រង់កោងប្រភេទ OLED ៦,៧៦ អ៊ីញ 120Hz មានកម្រិតបង្ហាញ (2412×1084 pixels) និង (2776×1224 pixels) ដំណើរការដោយបន្ទះឈីប Kirin 8000 ជាមួយប្រព័ន្ធប្រតិបត្តិការ Android 14 នៅលើ HarmonyOS 4.2 និងទទួលបាន RAM 12GB និងអង្គផ្ទុក 256GB | 512GB | 1TB រួមជាមួយកញ្ជប់ថាមពលថ្មទំហំ 5,000mAh គាំទ្រការសាកតាមខ្សែ 100W ដែលអាចសាកឡើងដល់ ៥០ភាគរយ ចំណាយពេលត្រឹមតែ ៩នាទី ប៉ុណ្ណោះ។
សម្រាប់ផ្នែកកាមេរ៉ាទូរស័ព្ទដៃ Huawei Nova 13 ទទួលបានកាម៉េរ៉ាគោលខាងក្រោយទំហំ 50MP ជំនួយដោយមុខងារគ្រប់គ្រងលំនឹង OIS បូករួមជាមួយលេន Ultra-Wide ទំហំ 8MP និងលេន macro ទំហំ 2cm ចំណែក Nova 13 Pro វិញ ទទួលបានកាម៉េរ៉ាគោលខាងក្រោយទំហំ 50MP ជំនួយដោយមុខងារគ្រប់គ្រងលំនឹង OIS បូករួមជាមួយលេន Ultra-Wide ទំហំ 8MP និងលេន Telephoto ទំហំ 12MP 3x Optical Zoom ខណៈកាមេរ៉ាផ្នែកខាងមុខរបស់ទូរស័ព្ទដៃ Huawei Nova 13 Series មានទំហំ 60MP សម្រាប់ Nova 13 និង 60MP 5x zoom សម្រាប់ Nova 13 Pro ។ ក្នុងនោះកាមេរ៉ារបស់ Huawei Nova 13 Series គឺអាចថតវីដេអូក្នុងកម្រិត 4K 30fps។
លើសពីនេះទៅទៀត ទូរស័ព្ទ Huawei Nova 13 Series មានបំពាក់ជាមួយប្រព័ន្ធ Huawei Da Vinci Portrait Engine 2.0 និងគាំទ្រមុខងារ AI ជាច្រើនដូចជាមុខងារ AI Best Expression, AI Upscaling, AI Object Removal និង AI Smart Cutout ជាដើម។
គួរឲដឹងថា Huawei Nova 13 Series ទទួលបានជម្រើសពណ៌ចំនួន៤ រួមមាន Lodeng Green, Feather Purple, Feather White និង Star Black ដែលអាចស្កេនម្រាមដៃនៅផ្នែកក្រោមអេក្រង់ និងគាំទ្រការតភ្ជាប់ NFC, Bluetooth 5.2 និងបាសសម្លេង stereo speakers និងគាំទ្រការទំនាក់ទំនងផ្កាយរណប Beidou ដែលមានសមត្ថភាពក្នុងការផ្ញើសារតាមផ្កាយរណប និងសាររូបភាព ដែលធានាថាការទំនាក់ទំនងកាន់តែមានភាពប្រសើរឡើងនៅក្នុងបរិយាកាសដែលមានលលកសញ្ញាខ្សោយ៕
