កាលពីពេលថ្មីៗនេះ ក្រុមហ៊ុនផលិតទូរស័ព្ទដៃ Honor បានប្រកាសដាក់បង្ហាញចេញជាផ្លូវការនូវស្មាតហ្វូនសេរ៊ីថ្មី HONOR X60 Series ជាមួយតម្លៃលក់ចាប់ពី ១៦៨ ដល់ ២៥២ ដុល្លារ សម្រាប់ HONOR X60 និងចាប់ពី ២១០ ដល់ ៣២៣ ដុល្លារ សម្រាប់ HONOR X60 Pro នៅក្នុងទីផ្សារប្រទេសចិន។
ពាណិជ្ជកម្ម
សម្រាប់ស្មាតហ្វូន HONOR X60 ទទួលបានអេក្រង់ LCD ទំហំ ៦,៨ អ៊ីញ 120Hz មានកម្រិតបង្ហាញ FHD+ (2412×1080 pixels) និងកម្រិតពន្លឺ 850nits ចំណែក HONOR X60 Pro វិញ ទទួលបានអេក្រង់កោងប្រភេទ AMOLED ទំហំ ៦,៧៨ អ៊ីញ 120Hz មានកម្រិតបង្ហាញ 1.5K (2700 x 1224 pixels) និងកម្រិតពន្លឺ 3,000nits ដំណើរការដោយបន្ទះឈីប MediaTek Dimensity 7025 Ultra ទំហំ 6nm និងបន្ទះឈីប Snapdragon 6 Gen 1 ទំហំ 4nm ជាមួយប្រព័ន្ធប្រតិបត្តិការ Android 14 នៅលើ MagicOS 8.0 និងទទួលបាន RAM 8GB | 12GB និងអង្គផ្ទុក 256GB | 512GB | 128GB អាចប្រើប្រាស់សុីមបានចំនួន២ និងអាចស្កេនម្រាមដៃនៅផ្នែកចំហៀង និងលើអេក្រង់បាន។
ចំពោះផ្នែកថាមពលថ្ម HONOR X60 ទទួលបានថ្មទំហំ 5,800mAh គាំទ្រការសាកតាមខ្សែ 35W ចំណែក HONOR X60 Pro ទទួលបានថាមពលថ្ម 6,600mAh គាំទ្រការសាកតាមខ្សែ 66W ។
បើនិយាយពីផ្នែកកាមេរ៉ាវិញ HONOR X60 និង HONOR X60 ទទួលបានកាម៉េរ៉ាគោលខាងក្រោយទំហំ 108MP និងកាមេរ៉ាផ្នែកខាងមុខមានទំហំ 8MP ។ ក្នុងនោះស្មាតហ្វូន HONOR X60 និង HONOR X60 Pro គាំទ្រការតភ្ជាប់ 5G, Wi-Fi 6, Bluetooth 5.1, GPS, USB Type-C និង 4G VoLTE។
គួរឲដឹងថា HONOR X60 ទទួលបានជម្រើសពណ៌ Moon Shadow White, Sea Lake Blue និង Elegant Black មានកម្រាស់ ៧,៨៨ ម.ម និងទម្ងន់ ១៨៩ ក្រាម | ២២៣ ក្រាម ចំណែក HONOR X60 ទទួលបានជម្រើសពណ៌ Sky Blue, Basalt Gray, Burning Orange និង Elegant Black ដែលមានកម្រាស់ ៧,៩៨ ម.ម និងទម្ងន់ ១៨៨ក្រាម៕