កាលពីពេលថ្មីៗនេះ ក្រុមហ៊ុនផលិតទូរស័ព្ទដៃ OPPO បានធ្វើការដាក់បង្ហាញចេញជាផ្លូវការនូវទូរស័ព្ទដៃសេរ៊ីថ្មី OPPO K12 Plus ជាមួយតម្លៃលក់ចាប់ពី ២៦៨ដុល្លារ ដល់ ៣៥៣ ដុល្លារ នៅក្នុងទីផ្សារប្រទេសចិន។
ទូរស័ព្ទដៃ OPPO K12 Plus ទទួលបានបន្ទះអេក្រង់ AMOLED ទំហំ ៦,៧ អ៊ីញ 120Hz មានកម្រិតបង្ហាញ Full HD+ (2412×1080 pixels) អាចស្កេនម្រាមដៃនៅលើអេក្រង់ ដំណើរការដោយបន្ទះឈីប Qualcomm Snapdragon 7 Gen 3 ទំហំ 4nm និងប្រព័ន្ធប្រតិបត្តិការ Android 14 នៅលើ ColorOS 14 អាចប្រើប្រាស់សុីមបានចំនួន២ (nano + nano / microSD) ព្រមទាំងទទួលបាន RAM 8GB | 12GB និងអង្គផ្ទុក 256GB / 512GB ។
ចំណែកផ្នែកកាម៉េរ៉ាវិញ មានបំពាក់ជាមួយសេនស័រកាមេរ៉ាខាងមុខមានទំហំ 16MP និងកាមេរ៉ាគោលខាងក្រោយទំហំ 50MP មានមុខងារជំនួយការគ្រប់គ្រងលំនឹង OIS បូករួមទាំងលេនថតមុំទូលាយ Ultra-wide ទំហំ 8MP ។ ក្រៅពីនេះទៅទៀត ទូរស័ព្ទដៃ OPPO K12 Plus ក៏មានបំពាក់មកជាមួយអាវការពារទឹក និងធូលីកម្រិត IP54 និងគាំទ្រការតភ្ជាប់ 5G, 4G VoLTE, Wi-Fi 6, Bluetooth 5.3, GPS និង NFC ជាដើម។ រីឯផ្នែកថាមពលថ្ម OPPO K12 Plus ទទួលបានថ្មទំហំ 6,400mAh គាំទ្រការសាកល្បឿនលឿន 80W តាមខ្សែ។ ចំពោះការរចនារចនារបស់ទូរស័ព្ទដៃ OPPO K12 Plus មានកម្រាស់ ៨,៣៧ ម.ម និងទម្ងន់ ១៩៣ ក្រាម ប៉ុណ្ណោះ ជាមួយជម្រើសពណ៌តួខ្លួនចំនួន២ រួមមានពណ៌ស និងពណ៌ខ្មៅ៕
ប្រភពៈ FoneArena
ពាណិជ្ជកម្ម
