កាលពីពេលថ្មីៗនេះ មានពាក្យចរចាមអារាមជាច្រើន បាននិយាយថា ក្រុមហ៊ុន Apple អាចនឹងធ្វើការដាក់បង្ហាញចេញជាផ្លូវការនូវទូរស័ព្ទដៃសេរ៊ីថ្មី iPhone SE 4 ឬ iPhone SE ឆ្នាំ២០២៥ នៅក្នុងខែមិនា ឆ្នាំ២០២៥ ខាងមុខនេះ។
ទូរស័ព្ទដៃ iPhone SE 4 នឹងទទួលបានបន្ទះអេក្រង់ OLED ទំហំ ៦,១ អ៊ីញ មានកម្រិតពន្លឺ 1,200 nits និងកម្រិតបង្ហាញ 2532×1170 pixels ដំណើរការដោយបន្ទះឈីប A18 Six-Core ទំហំ 3nm និងប្រព័ន្ធប្រតិបត្តិការ iOS 18 អាចប្រើប្រាស់សុីមបានចំនួន២ (nano + eSIM) ព្រមទាំងទទួលបានអាវការពារទឹក និងធូលីកម្រិត IP68 ។
ចំណែកផ្នែកកាម៉េរ៉ាវិញ មានបំពាក់ជាមួយសេនស័រកាមេរ៉ាខាងមុខមានទំហំ 12MP (ƒ/1.9) អាចថតវីដេអូបានកម្រិត 4K 60fps ដោយប្រើ HDR ជាមួយ Dolby Vision, Slo‑mo 1080p 120fps និងកាមេរ៉ាគោលខាងក្រោយទំហំ 48MP (f/1.78) មាន OIS អាចថតវីដេអូបានកម្រិត 4K 60fps ដោយប្រើ HDR ជាមួយ Dolby Vision, Slo‑mo 1080p 240fps, Cinematic Mode 4K HDR 30 fps បូករួមនឹងលេន Telephoto ដែលអាចថតហ្សូមបាន 2x Optical Zoom។ ក្រៅពីនេះទៅទៀត ទូរស័ព្ទដៃ iPhone SE 4 ក៏មានបំពាក់មកជាមួយមុខងារ FaceID, បាសចំនួន ២គ្រាប់ និងគាំទ្រការតភ្ជាប់ 5G, Wi-Fi 7, Bluetooth 5.3 និង NFC ជាដើម។ រីឯផ្នែកថាមពលថ្ម iPhone SE 4 នឹងគាំទ្រការសាក 25W Magsafe charging។