កាលពីពេលថ្មីៗនេះ ក្រុមហ៊ុន Xiaomi បានធ្វើការប្រកាសដាក់បង្ហាញចេញជាផ្លូវការនូវទូរទស្សន៍ឆ្លាតវៃសេរ៊ីថ្មី Xiaomi TV Max 100 និង TV Max 85 ឆ្នាំ២០២៥ ជាមួយតម្លៃលក់ចាប់ពី ១ ៤៥៣ ដុល្លារ ដល់ ២ ២៣៦ ដុល្លារ នៅក្នុងទីផ្សារតំបន់អឺរ៉ុប។
ទូរទស្សន៍ឆ្លាតវៃ Xiaomi TV Max 100 និង TV Max 85 មានបំពាក់ដោយបន្ទះអេក្រង់ QLED ទំហំ ១០០ និង ៨៥ អ៊ីញ 144Hz មានកម្រិតបង្ហាញ 4K UHD (3840 x 2160 pixels) ដំណើរការដោយបន្ទះឈីប Quad-core Cortex A73 និងប្រព័ន្ធប្រតិបត្តិការ Google TV ព្រមទាំងទទួលបាន RAM 3GB និងអង្គផ្ទុក 32GB។ ក្នុងនោះ ទូរទស្សន៍ឆ្លាតវៃ Xiaomi TV Max 100 និង TV Max 85 មានបំពាក់ជាមួយរន្ធសម្លេងចំនួន២ ទំហំ ១៥វ៉ាត់។
លើសពីនេះទៅទៀត ទូរទស្សន៍ឆ្លាតវៃ Xiaomi TV Max 100 និង TV Max 85 ក៏គាំទ្រការបញ្ជាតាមរយៈនាឡិកាឆ្លាតវៃ Xiaomi Watch 2 និងគាំទ្រកាតភ្ជាប់ Bluetooth 5.2, Wi-Fi 6, HDMI 2.1, USB ports, Ethernet, និងមុខងារ Miracast និង Apple AirPlay៕