Samsung Galaxy Tab S10+ និង Galaxy Tab S10 Ultra ថេបប្លេតសេរ៊ីថ្មី តម្លៃខ្ទង់ ១ពាន់ដុល្លារ ចេញលក់នៅក្នុងទីផ្សារប្រទេសឥណ្ឌាជាផ្លូវការហើយ!

នាពេលថ្មីៗនេះ ក្រុមហ៊ុន Samsung បានធ្វើការប្រកាសដាក់បង្ហាញចេញជាផ្លូវការនូវថេបប្លេត Samsung Galaxy Tab S10+ និង Galaxy Tab S10 Ultra ជាមួយតម្លៃលក់ចាប់ពី ១ ០៩០ ដុល្លារ ដល់ ១ ៦០០ ដុល្លារ នៅក្នុងទីផ្សារប្រទេសឥណ្ឌា។

ថេបប្លេត Galaxy Tab S10+ និង Galaxy Tab S10 Ultra បំពាក់ដោយបន្ទះអេក្រង់ AMOLED ទំហំ ១២,៤ និង ១៤,៦ អ៊ីញ 120Hz មានកម្រិតបង្ហាញ 2800 x 1752 pixels និង 2960 x 1848 pixels ដំណើរការដោយបន្ទះឈីប MediaTek Dimensity 9300+ និងប្រព័ន្ធប្រតិបត្តិការ Android 14 នៅលើ One UI 6.0 ព្រមទាំងទទួលបាន RAM 12GB / 16GB និងអង្គផ្ទុក 256GB / 512GB / 1TB និងអាចប្រើប្រាស់សុីមបានចំនួន២​ (pSIM និង eSIM) និងអាចស្កេនម្រាមដៃនៅលើអេក្រង់បាន។

ពាណិជ្ជកម្ម

សម្រាប់ថេបប្លេត Galaxy Tab S10+ និង Galaxy Tab S10 Ultra ទទួលបានថាមពលថ្ម 10,090mAh និង 11,200mAh គាំទ្រការសាកថ្មល្បឿនលឿន 45W ។ ចំពោះផ្នែកកាម៉េរ៉ាវិញ មានបំពាក់ដោយសេនស័រកាមេរ៉ាខាងមុខមានទំហំ 12MP និង 12MP+12MP ខណៈលេនគោលខាងក្រោយទំហំ 13MP បូករួមទាំងលេនថតមុំទូលាយ Ultra-wide ទំហំ 8MP ។ ក្នុងនោះ ថេបប្លេត Galaxy Tab S10+ និង Galaxy Tab S10 Ultra ទទួលបានរន្ធសម្លេងចំនួន ៤ចំនុច។

លើសពីនេះទៅទៀត ថេបប្លេត Galaxy Tab S10+ និង Galaxy Tab S10 Ultra មានការគាំទ្រការតភ្ជាប់ 5G, Wi-Fi 7 / Wi-Fi 6E (Tab S10+), Bluetooth 5.3 និងទទួលបានប៊ិក S Pen ក្តារចុច និង Case ចំនួន១ ចេញពីប្រអប់។

គួរបញ្ជាក់ថា ថេបប្លេត ថេបប្លេត Galaxy Tab S10+ និង Galaxy Tab S10 Ultra ទទួលបានពណ៌តួខ្លួនគោលចំនួន២ រួមមាន ពណ៌ Moonstone Gray និង Platinum Silver ដែលមានទម្ងន់ ៥៧១ និង ៧១៨ ក្រាម និងកម្រាស់ ៥,៦ និង ៥,៤ មីលីម៉ែត្រ ៕

ប្រភពៈ FoneArena