កាលពីពេលថ្មីៗនេះ ក្រុមហ៊ុន Xiaomi បានប្រកាសដាក់បង្ហាញចេញជាផ្លូវការនូវនាឡិកាដៃឆ្លាតវៃ Xiaomi Smart Band 9 ជាមួយតម្លៃលក់ចាប់ពី ៤៤,៥ ដុល្លារ ក្នុងទីផ្សារតំបន់អឺរ៉ុប។
នាឡិកាដៃឆ្លាតវៃ Xiaomi Smart Band 9 ទទួលបានអេក្រង់ AMOLED ទំហំ ១,៦២អ៊ីញ 60Hz មានកម្រិតពន្លឺ 1,200 nits និងកម្រិតបង្ហាញ HD (192×490 pixels) ដំណើរការដោយ Bluetooth 5.4 សម្រាប់ភ្ជាប់ Android 8.0 និង iOS 12.0 និងគាំទ្រមុខងារ Always-On Display (AOD) ព្រមទាំងទទួលបានអាវការពារទឹក 5ATM ដែលអាចចុះទឹកបាន ៥០ម៉ែត្រ និងទទួលបានថាមពលថ្មទំហំ 233mAh អាចប្រើប្រាស់បានរយៈពេល ២១ថ្ងៃ ដោយអាចសាកបានមួយពេញចំណាយពេលខ្ទង់ ៦០នាទីប៉ុណ្ណោះ។
លើសពីនេះទៅទៀត នាឡិកាដៃឆ្លាតវៃ Xiaomi Smart Band 9 ក៏គាំទ្រមុខងារកីឡានចំនួន ១៥០+ មុខងារ និងមុខងារតាមដានសុខភាពមួយចំនួនផងដែរដូចជា មុខងារតាមដានចង្វាក់បេះដូង មុខងារការត្រួតពិនិត្យអុកស៊ីសែនក្នុងឈាម មុខងារការត្រួតពិនិត្យសម្ពាធឈាម និងមុខងារផ្សេងៗជាច្រើនទៀតផងដែរ។ ក្នុងនោះ នាឡិកាដៃឆ្លាតវៃ Xiaomi Smart Band 9 ក៏គាំទ្រមុខងារជូនដំណឹងផ្សេងៗ និងការហៅចូលហៅចេញជាដើម។