កាលពីពេលថ្មីៗនេះ ក្រុមហ៊ុនផលិតទូរស័ព្ទដៃ Xiaomi បានប្រកាសដាក់បង្ហាញចេញជាផ្លូវការនូវទូរស័ព្ទដៃសេរ៊ីថ្មី Redmi Note 14 5G ជាមួយតម្លៃលក់ចាប់ពី ១៧១ ដុល្លារ ដល់ ២៤២ ដុល្លារ ក្នុងទីផ្សារប្រទេសចិន។
ទូរស័ព្ទដៃ Redmi Note 14 5G ទទួលបានអេក្រង់ Super AMOLED ទំហំ ៦,៦៧ អ៊ីញ 120Hz មានកម្រិតបង្ហាញ FHD+ (1080×2400 pixels) និងកម្រិតពន្លឺ 2,100 nits ដំណើរការដោយបន្ទះឈីប MediaTek Dimensity 7025 Ultra 6nm ជាមួយប្រព័ន្ធប្រតិបត្តិការ Android 14 នៅលើ Xiaomi Hyper OS និងទទួលបាន RAM 6GB / 8GB / 12GB និងអង្គផ្ទុក 128GB / 256GB ព្រមទាំងប្រើប្រាស់សុីមបានចំនួន២ និងអាចស្កេនម្រាមដៃនៅលើអេក្រង់បាន។
សម្រាប់ផ្នែកកាមេរ៉ាវិញ ទូរស័ព្ទដៃ Redmi Note 14 5G ទទួលបានកាម៉េរ៉ាគោលខាងក្រោយទំហំ 50MP បូករួមជាមួយកាមេរ៉ាបន្ទាប់បន្សំទំហំ 2MP ចំណែកកាមេរ៉ាផ្នែកខាងមុខមានទំហំ 16MP។ ចំណែកផ្នែកថាមពលថ្មទូរស័ព្ទដៃ Redmi Note 14 5Go ទទួលបានថ្មទំហំ 5,110mAh គាំទ្រការសាកតាមខ្សែ 45W ។ លើសពីនេះទៅទៀត ទូរស័ព្ទនេះ មានបំពាក់ជាមួយអាវការពារធូលី និងទឹក IP64 រន្ធដោតកាសចំនួន១ ឧបករណ៏បំពងសម្លេងចំនួន ២ចំនុច និងគាំទ្រការតភ្ជាប់ 5G, 4G VoLTE, Wi-Fi, Bluetooth 5.3, GPS និង USB Type-C ។
ចំពោះការរចនារបស់ទូរស័ព្ទដៃ Redmi Note 14 5G មានកម្រាស់ ៧,៩៩ ម.ម និងទទួលបានជម្រើសពណ៌ចំនួន៣ រួមមាន Starry White, Phantom Blue និង Midnight Black ៕