កាលពីពេលថ្មីៗនេះ ក្រុមហ៊ុនផលិតទូរស័ព្ទដៃ Vivo បានប្រកាសដាក់បង្ហាញចេញជាផ្លូវការនូវទូរស័ព្ទដៃ Vivo X Fold3 Pro Lunar White Limited Edition ដែលជាទូរស័ព្ទដៃអាចបត់អេក្រង់បានជាមួយតម្លៃលក់ចាប់ពី ១ ៩១៩,៩៩ ដុល្លារ ក្នុងទីផ្សារប្រទេសឥណ្ឌា។
ទូរស័ព្ទដៃ Vivo X Fold3 Pro Lunar White Limited Edition ទទួលបានអេក្រង់ខាងក្រៅទំហំ ៦,៥៣ អ៊ីញ ប្រភេទ AMOLED LTPO 120Hz មានកម្រិតបង្ហាញ FHD+ (2748 × 1172 pixels) និងកម្រិតពន្លឺ 4,500 nits ចំណែកអេក្រង់ខាងក្នុងមានទំហំ ៨,០៣ អ៊ីញ ប្រភេទ AMOLED LTPO 120Hz មានកម្រិតបង្ហាញ 2K+ (2480 × 2200 pixels) និងកម្រិតពន្លឺ 4,500 nits ដំណើរការដោយបន្ទះឈីប Snapdragon 8 Gen 3 4nm និងប្រព័ន្ធប្រតិបត្តិការ Android 14 នៅលើ Funtouch OS 14 ព្រមទាំងទទួលបាន RAM 16GB និងអង្គផ្ទុក 512GB។
សម្រាប់កាមេរ៉ាគោលខាងក្រោយរបស់ទូរស័ព្ទដៃ Vivo X Fold3 Pro Lunar White Limited Edition មានទំហំ 50MP បំពាក់ជាមួយមុខងារគ្រប់គ្រងលំនឹង OIS បូករួមជាមួយលេន Ultra-Wide ទំហំ 50MP និងលេន Telephoto ទំហំ 64MP 3x ខណៈកាមេរ៉ាមុខមានទំហំ 32MP ។ ចំណែកផ្នែកថាមពលវិញ ទូរស័ព្ទដៃនេះ ទទួលបានថាមពលថ្ម 5,700mAh គាំទ្រការសាកថ្មល្បឿនលឿន 100W តាមខ្សែ និង 50W Wireless Charging។ លើសពីនេះទៅទៀត ទូរស័ព្ទដៃ Vivo X Fold3 Pro Lunar White Limited Edition មានភ្ជាប់មកជាមួយមុខងារការពារជម្រាបទឹក និងធូលីកម្រិត IPX8 ព្រមទាំងគាំទ្រការតភ្ជាប់ 5G, 4G VoLTE, Wi-Fi 7, Bluetooth 5.4 LE, GPS និងរន្ធ USB Type-C ។
ចំពោះការរចនារបស់ទូរស័ព្ទដៃ Vivo X Fold3 Pro Lunar White Limited Edition មានកម្រាស់ ៥,២ មីលីម៉ែត្រ ពេលលាតអេក្រង់ និង ១១,២ មីលីម៉ែត្រ ពេលបត់អេក្រង់ រួមជាមួយទម្ងន់ ២៣៦ ក្រាម៕