កាលពីពេលថ្មីៗនេះ ក្រុមហ៊ុន OPPO បានប្រកាសដាក់បង្ហាញចេញជាផ្លូវការនូវទូរស័ព្ទដៃ OPPO Reno12 Pro 5G Manish Malhotra Limited Edition ជាមួយតម្លៃលក់ចាប់ពី ៤៤៥ ដុល្លារ នៅក្នុងទីផ្សារប្រទេសឥណ្ឌា។
ទូរស័ព្ទដៃ OPPO Reno12 Pro 5G Manish Malhotra Limited Edition ទទួលបានអេក្រង់ AMOLED កោងទំហំ ៦,៧ អ៊ីញ 120Hz មានកម្រិតបង្ហាញ FHD+ (2412 × 1080 pixels) និងកម្រិតពន្លឺ 1,200 nits ដំណើរការដោយបន្ទះឈីប MediaTek Dimensity 7300- Energy 4nm និងប្រព័ន្ធប្រតិបត្តិការ Android 14 នៅលើ ColorOS 14.1 ព្រមទាំងទទួលបាន RAM 12GB និងអង្គផ្ទុក 256GB | 512GB អាចបន្ថែមដល់ 1TB តាមរយៈ microSD ។
ចំពោះការរចនារបស់ទូរស័ព្ទដៃ OPPO Reno12 Pro 5G Manish Malhotra Limited Edition មានផ្ទៃខាងក្រោយពណ៌ខ្មៅរលោង រចនាជាមួយរូបផ្កាពណ៌មាសភ្លឺរលោង និងមានសភាពស្តើងដែលមានកម្រាស់ត្រឹមតែ ៧,៤ មីលីម៉ែត្រ រួមជាមួយទម្ងន់ត្រឹមតែ ១៨០ ក្រាម ប៉ុណ្ណោះ។
គួរឲដឹងថា ទូរស័ព្ទដៃ OPPO Reno12 Pro 5G Manish Malhotra Limited Edition ក៏គាំទ្រមុខងារ AI ជាច្រើនផងដែររួមមានមុខងារ AI Eraser, AI Studio, AI Clear Face, AI Best Face, AI Smart Matting, AI Recording Summary, AI Summary, AI Writer, AI Speak, AI Clear Voice និង AI Link Boost ៕