កាលពីពេលថ្មីៗនេះ ក្រុមហ៊ុន Samsung បានប្រកាសដាក់បង្ហាញចេញលក់ផ្លូវការនូវទូរស័ព្ទដៃ Samsung Galaxy M15 5G Prime Edition ជាមួយតម្លៃលក់ចាប់ពី ១៦២ ដុល្លារ ដល់ ១៩៨ ដុល្លារ នៅក្នុងទីផ្សារប្រទេសឥណ្ឌា។
ទូរស័ព្ទដៃ Samsung Galaxy M15 ទទួលបានអេក្រង់ Super AMOLED ទំហំ ៦,៦ អ៊ីញ 90Hz មានកម្រិតបង្ហាញ Full HD+ (1080 x 2340 pixels) ដំណើរការដោយបន្ទះឈីប MediaTek Dimensity 6100+ 6nm និងប្រព័ន្ធប្រតិបត្តិការ Android 14 នៅលើ One UI 6 ព្រមទាំងទទួលបាន RAM 4GB | 6GB | 8GB និងអង្គផ្ទុក 128GB និងអាចប្រើប្រាស់សុីមបានចំនួន២។
សម្រាប់កាមេរ៉ាគោលខាងក្រោយរបស់ទូរស័ព្ទដៃ Samsung Galaxy M15 មានទំហំ 50MP និងលេន Ultra-Wide ទំហំ 5MP បូករួមជាមួយលេន Macro ទំហំ 2MP ខណៈកាមេរ៉ាមុខមានទំហំ 13MP។ ចំណែកផ្នែកថាមពលវិញ ទូរស័ព្ទដៃនេះ ទទួលបានថាមពលថ្មទំហំ 6,000mAh គាំទ្រការសាកថ្ម 25W តាមខ្សែ។ លើសពីនេះទៅទៀត ទូរស័ព្ទដៃ Samsung Galaxy M15 ក៏គាំទ្រការតភ្ជាប់ 5G, 4G VoLTE, Wi-Fi, Bluetooth 5.3, GPS, USB Type-C និងមុខងារស្កេនម្រាមដៃនៅផ្នែកចំហៀងផងដែរ។
ចំពោះការរចនារបស់ទូរស័ព្ទដៃ Samsung Galaxy M15 មានសភាពស្តើងដែលមានកម្រាស់ត្រឹមតែ ៩,៣ មីលីម៉ែត្រ រួមជាមួយទម្ងន់ត្រឹមតែ ២១៧ ក្រាម ប៉ុណ្ណោះ និងទទួលបាននូវជម្រើសពណ៌ចំនួន៣ រួមមានពណ៌ Blue Topaz, Celestial Blue និង Stone Grey៕