កាលពីពេលថ្មីៗនេះ ក្រុមហ៊ុនផលិតទូរស័ព្ទដៃ Vivo បានប្រកាសដាក់បង្ហាញចេញលក់ជាផ្លូវការនូវទូរស័ព្ទដៃ Vivo V40e ជាមួយតម្លៃលក់ខ្ទង់ ៣៤៩ ដុល្លារ ដល់ ៣៧៣ ដុល្លារ ក្នុងទីផ្សារប្រទេសឥណ្ឌា។
សម្រាប់ផ្នែកកាមេរ៉ាវិញ ទូរស័ព្ទដៃ Vivo V40e ទទួលបានកាម៉េរ៉ាគោលខាងក្រោយទំហំ 50MP មានបំពាក់ជាមួយមុខងារគ្រប់គ្រង់លំនឹង OIS និងលេន AI អាចថតវីដេអូបានកម្រិត 4K បូករួមជាមួយលេនថតមុំទូលាយ Ultra-Wide ទំហំ 8MP ខណៈដែលកាមេរ៉ាមុខមានទំហំ 50MP ។ សម្រាប់ផ្នែកថាមពលរបស់ទូរស័ព្ទដៃ Vivo V40e ទទួលបានថាមពលថ្មទំហំ 5,500mAh គាំទ្រការសាកល្បឿនលឿន 80W ។ លើសពីនេះទៅទៀត ទូរស័ព្ទនេះ ក៏គាំទ្រការតភ្ជាប់ 5G, 4G VoLTE, Wi-Fi 6, Bluetooth 5.4, GPS, USB Type-C និងអាវការពារទឹក និងធូលី។
ចំពោះការរចនារបស់ទូរស័ព្ទដៃ Vivo V40e មានសភាពស្តើងដែលមានកម្រាស់ត្រឹមតែ ៧,៤៩ ម.ម និងទម្ងន់ ១៨៣ ក្រាមប៉ុណ្ណោះ ជាមួយជម្រើសពណ៌ចំនួន២ រួមមានពណ៌ Royal Bronze និង Mint Green៕