នាពេលថ្មីៗនេះ ក្រុមហ៊ុន HUAWEI បានធ្វើការប្រកាសដាក់បង្ហាញចេញជាផ្លូវការនូវទូរទស្សន៍ឆ្លាតវៃ Huawei Smart TV V5 Max ជាមួយតម្លៃលក់ចាប់ពី ៩ ៩៥៥ ដុល្លារ ក្នុងទីផ្សារប្រទេសចិន។
ទូរទស្សន៍ឆ្លាតវៃ Huawei Smart TV V5 Max បំពាក់ដោយបន្ទះអេក្រង់ SuperMiniLED ទំហំ ១១០ អ៊ីញ 120Hz មានកម្រិតពន្លឺ 5000 nits និងកម្រិតបង្ហាញ Ultra HD 4K (3840 × 2160 pixels) ដំណើរការដោយបន្ទះឈីប Huawei Honghu Swan 900 និងប្រព័ន្ធប្រតិបត្តិការនៅលើ HarmonyOS 4.5 ព្រមទាំងទទួលបានការដំណើរការ CPU ល្អជាងមុខធ្វេរដង និងទទួលបាន RAM 6GB និងអង្គផ្ទុក 128GB។
លើសពីនេះទៅទៀត ទូរទស្សន៍ឆ្លាតវៃ Huawei Smart TV V5 Max ក៏មានភ្ជាប់មកជាមួយមុខងារ Family Connect ដែលអនុញ្ញាតឱ្យអ្នកប្រើប្រាស់បានរហូតដល់ ១២ នាក់ ខណៈដែលផ្នែក Smart Entertainment ក៏អនុញ្ញាតឱ្យអ្នកប្រើប្រាស់អាចលេងហ្គេម ច្រៀងខារ៉ាអូខេ និងសកម្មភាពជាច្រើនទៀតផងដែរ។ បន្ថែមពីលើមុខងារទាំងនេះ ទូរទស្សន៍នេះ ក៏អនុញ្ញាតឱ្យអ្នកប្រើប្រាស់អាចគ្រប់គ្រងទូរទស្សន៍តាមរយៈស្មាតហ្វូន Huawei របស់ពួកគេបានគ្រប់ទីកន្លែងផងដែរ។ ក្នុងនោះ វាក៏មានវាភ្ជាប់មកជាមួយបច្ចេកវិទ្យា Huawei Sound ផងដែរ។
គួរបញ្ជាក់ថា ទូរទស្សន៍ឆ្លាតវៃ Huawei Smart TV V5 Max មានប្រវែងតួខ្លួនសរុប ២ ៤៦៨ ម.ម កម្ពស់ ១ ១១៧ ម.ម កម្រាស់ ៦៩ ម.ម ទម្ងន់ ៩៥ គីឡូក្រាម និងទទួលបានការរចនាគែមស្តើងបំផុតសល់ត្រឹម ១២ ម.ម ប៉ុណ្ណោះ៕