កាលពីពេលថ្មីៗនេះ ក្រុមហ៊ុនផលិតទូរស័ព្ទដៃ TECNO បានប្រកាសដាក់បង្ហាញចេញជាផ្លូវការនូវទូរស័ព្ទដៃ TECNO POP 9 5G ជាមួយតម្លៃលក់ចាប់ពី ១០០ ដុល្លារ ដល់ ១២០ ដុល្លារ នៅក្នុងទីផ្សារប្រទេសឥណ្ឌា។
សម្រាប់កាមេរ៉ាគោលខាងក្រោយរបស់ទូរស័ព្ទដៃ TECNO POP 9 5G មានទំហំ 48MP បំពាក់ជាមួយលេនដែលមានមុខងារ AI ខណៈដែលកាមេរ៉ាមុខមានទំហំ 8MP។ ចំណែកផ្នែកថាមពលវិញ ទូរស័ព្ទដៃនេះ ទទួលបានថាមពលថ្ម 5,000mAh គាំទ្រការសាកថ្ម 18W តាមខ្សែ។ លើសពីនេះទៅទៀត ទូរស័ព្ទដៃ TECNO POP 9 5G ក៏មានភ្ជាប់មកជាមួយមុខងារការពារជម្រាបទឹក និងធូលី IP54 និងគាំទ្រការតភ្ជាប់ 5G SA/NSA, Dual 4G VoLTE, Wi-Fi 802.11 ac (2.4GHz + 5GHz), Bluetooth 5.1, GPS, USB Type-C និង NFC ។
ចំពោះការរចនារបស់ទូរស័ព្ទដៃនេះ មានកម្រាស់ត្រឹមតែ ៨ ម.ម និងទម្ងន់ ១៨៩ ក្រាម ប៉ុណ្ណោះ ហើយវាក៏ទទួលបាននូវរន្ធសម្លេងចំនួន១ រន្ធដោតកាសចំនួន១ ប្រើប្រាស់សុីមបានចំនួន២ និងបំពាក់ជាមួយមុខងារស្កេនម្រាមដែនៅផ្នែកចំហៀង ព្រមទាំងទទួលបានជម្រើសពណ៌តួខ្លួនចំនួន៣ រួមមាន Midnight Shadow, Azure Sky និង Aurora Cloud ៕