កាលពីពេលថ្មីៗនេះ ក្រុមហ៊ុនផលិតទូរស័ព្ទដៃ TECNO បានប្រកាសដាក់បង្ហាញចេញនូវទូរស័ព្ទដៃ Tecno Spark 30 ជាមួយតម្លៃលក់ចាប់ពី ១៤៥ ដុល្លារ ដល់ ១៧២ ដុល្លារ ក្នុងទីផ្សារប្រទេសហ្គាណា។
ទូរស័ព្ទដៃ Tecno Spark 30 ទទួលបានអេក្រង់ LCD FHD+ ទំហំ ៦,៦៨ អ៊ីញ 90Hz មានកម្រិតពន្លឺ 800 nits ដំណើរការដោយបន្ទះឈីប 12nm MediaTek Helio G91 4G ជាមួយ Arm Mali-G57 MC2 GPU និងប្រព័ន្ធប្រតិបត្តិការ Android 14 នៅលើ ព្រមទាំងទទួលបាន 8GB និងអង្គផ្ទុក 128GB / 256GB ។
ពាណិជ្ជកម្ម
សម្រាប់កាមេរ៉ាគោលខាងក្រោយរបស់ Tecno Spark 30 មានទំហំ 64MP ខណៈដែលកាមេរ៉ាមុខមានទំហំ 13MP ។ ចំណែកផ្នែកថាមពលវិញ វាទទួលបានថាមពលថ្ម 5,000mAh គាំទ្រការសាកថ្ម 18W។ លើសពីនេះទៅទៀត ទូរស័ព្ទដៃ Tecno Spark 30 ក៏មានភ្ជាប់មកជាមួយមុខងារការពារជម្រាបទឹក និងធូលី IP54 និងជម្រើសពណ៌ចំនួន២ រួមមានពណ៌ Orbit White និង Orbit Black៕