នាពេលថ្មីៗនេះ ក្រុមហ៊ុន HUAWEI បានធ្វើការប្រកាសដាក់បង្ហាញចេញជាផ្លូវការនូវថេបប្លេតសេរ៊ីថ្មី HUAWEI MatePad 12 X ជាមួយតម្លៃលក់ចាប់ពី ៧២៥ ដុល្លារ ក្នុងទីផ្សារតំបន់អឺរ៉ុប។
ថេបប្លេត HUAWEI MatePad 12 X បំពាក់ដោយបន្ទះអេក្រង់ LCD ទំហំ ១២ អ៊ីញ 144Hz មានកម្រិតពន្លឺ 1000 nits និងកម្រិតបង្ហាញ 2800 × 1840 pixels ដំណើរការដោយបន្ទះឈីប Kirin T91 និងប្រព័ន្ធប្រតិបត្តិការនៅលើ HarmonyOS 4.2 ព្រមទាំងទទួលបាន RAM 8GB / 12GB និងអង្គផ្ទុក 256GB ។
សម្រាប់ថេបប្លេតនេះ ទទួលបានថាមពលថ្ម 10,100mAh គាំទ្រការសាកថ្មល្បឿនលឿន 66W។ ចំពោះផ្នែកកាម៉េរ៉ាវិញ មានបំពាក់ដោយសេនស័រកាមេរ៉ាខាងមុខមានទំហំ 8MP និងលេនគោលខាងក្រោយទំហំ 13MP បូករួមទាំងលេនថតមុំទូលាយ Ultra-wide ទំហំ 8MP អាចថតវីដេអូបានកម្រិត 4K 30fps។
គួរបញ្ជាក់ថា ថេបប្លេត HUAWEI MatePad 12 X ទទួលបានពណ៌តួខ្លួនគោលចំនួន ៣ រួមមាន ពណ៌ស ពណ៌បៃតង និងពណ៌ផ្កាឈូក ដែលមានទម្ងន់ ៥៥៥ ក្រាម និងកម្រាស់ ៥,៩ មីលីម៉ែត្រ បំពាក់ជាមួយរន្ធសម្លេងចំនួន៦ និងរន្ធ microphone ចំនួន៤ និងគាំទ្រការតភ្ជាប់មុខងារ Wi-Fi | Bluetooth 5.2 | USB 3.1 Gen 1 | GPS ក៏ដូចជាមុខងារស្កេនម្រាមដៃ និងមុខងារ AI មួយចំនួនផងដែរ៕