កាលពីពេលថ្មីៗនេះ មានសារព៌ត័មានជាច្រើនបាននិយាយថា ក្រុមហ៊ុនផលិតទូរស័ព្ទដៃ Oppo អាចនឹងប្រកាសដាក់បង្ហាញចេញលក់ជាផ្លូវការនូវទូរស័ព្ទដៃ Oppo Find X8 Series នៅក្នុងខែតុលាខាងមុខនេះក្នុងទីផ្សារប្រទេសចិន រួមមាន Find X8, Find X8 Pro និង Find X8 Pro Satellite Communication Version ខណៈ Find X8 Ultra វិញអាចនឹងចេញលក់នៅក្នុងខែមករា ឆ្នាំ២០២៥។
ទូរស័ព្ទដៃ Oppo Find X8 នឹងបំពាក់ដោយអេក្រង់ទំហំ ៦,៥ អ៊ីញ 120Hz មានកម្រិតបង្ហាញ ឫ Resolution 1.5K ចំណែកទូរស័ព្ទដៃ Oppo Find X8 Pro វិញនឹងបំពាក់ដោយអេក្រង់ទំហំ ៦,៧ អ៊ីញ។ លើសពីនេះទៅទៀតទូរស័ព្ទដៃ Oppo Find X8 Ultra ត្រូវបានគេរំពឹងថានឹងទទួលបានអេក្រង់គុណភាពបង្ហាញខ្ពស់ជាងមុន និងការគាំទ្រ HDR10+ រួមជាមួយការរចនាគែម bezels ស្ដើងជាងមុន និងធន់ជាងមុន។
សម្រាប់ ទូរស័ព្ទដៃ Oppo Find X8 Series នឹងដំណើរការដោយបន្ទះឈីប MediaTek Dimensity 9400 និងប្រព័ន្ធប្រតិបត្តិការ Android 14 ព្រមទាំងទទួលបាន RAM 16GB សម្រាប់ Find X8 និង X8 Pro ។ លើសពីនេះទៅទៀត ទូរស័ព្ទដៃ Oppo Find X8 Series ក៏នឹងបំពាក់មកជាមួយអាវការពារទឹក និងធូលី IP69 ផងដែរ។
