កាលពីពេលថ្មីៗនេះ មានពាក្យចចាមអារ៉ាមជាច្រើនបាននិយាយថា ក្រុមហ៊ុន Google អាចនឹងដាក់ឲដំណើរការនូវប្រព័ន្ធប្រតិបត្តិការ Android 15 នៅក្នុងថ្ងៃទី១៥ ខែតុលា ឆ្នាំ២០២៤ ខាងមុខនេះ។
គួរបញ្ជាក់ថា ចំពោះការអាប់ឌែតក្នុងការដាក់បញ្ជូលនូវប្រព័ន្ធប្រតិបត្តិការ Android 15 នេះ អាចនៅតែអាចផ្លាស់ប្តូរពេលប្រសិនបើមានការបង្ហាញ និងរកឃើញមានបញ្ហាមួយចំនួន។
ក្នុងនោះពួគគេបាននិយាយបន្ថែមទៀតថា ក្រុមហ៊ុន Google នឹងចាប់ផ្តើមការអាប់ដេតដាក់ឲដំណើរការនូវប្រព័ន្ធប្រតិបត្តិការ Android 15 នៅលើទូរស័ព្ទដៃត្រកូល Pixel របស់ខ្លួនមុខគេ រាប់ចាប់តាំងពី Pixel 6 រហូតដល់ Pixel 9 ថ្មីដែលទើបប្រកាសចេញលក់នៅក្នុងខែសីហាកន្លងមកនេះ។
គួរឲដឹងថា ប្រព័ន្ធប្រតិបត្តិការ Android 15 នេះ អាចនឹងដាក់ឲដំណើរការសម្រាប់ទូរស័ព្ទដៃ Android ផ្សេងៗ ឫក្រុមហ៊ុនផលិតទូរស័ព្ទដៃ Android ផ្សេងៗ នៅក្នុងថ្ងៃបន្ទាប់ផ្សេងៗ បន្ទាប់ពីក្រុមហ៊ុន Google អាប់ឌែតដាក់ឲដំណើរការនូវប្រព័ន្ធប្រតិបត្តិការ Android 15 នេះនៅលើទូរស័ព្ទដៃត្រកូល Pixel របស់ខ្លួនជាងមុខសិន។
លើសពីនេះទៅទៀត ប្រព័ន្ធប្រតិបត្តិការ Android 15 នឹងទទួលបានការកែប្រែ និងអភិវឌ្ឍន៍ចំពោះការប្រើប្រាស់កម្មវិធី និងប្រព័ន្ធផ្សេងៗ ជាមួយគោលបំណងធ្វើឱ្យការប្រើប្រាស់មានភាពងាយស្រួល និងមានសុវត្ថិភាពជាងមុន៕