កាលពីពេលថ្មីៗនេះ បើយោងតាម OnLeaks បានធ្វើការដាក់បង្ហាញចេញនូវរូបភាព Render របស់ទូរស័ព្ទដៃ Samsung Galaxy S25 Plus ដែលគ្រោងនឹងដាក់បង្ហាញចេញជាផ្លូវការនៅក្នុងខែមករា ឆ្នាំ២០២៥ ខាងមុខនេះ បើតាមព៌ត័មានដែលចុះផ្សាយកន្លងមក។
ពាណិជ្ជកម្ម
ចំពោះស្មាតហ្វូន ទូរស័ព្ទដៃ Samsung Galaxy S25 Plus ត្រូវបានរំពឹងថានឹងទទួលបានបន្ទះអេក្រង់ធំជាងមុន 120Hz ៦,៦៥ ទៅ ៦,៧ អ៊ីញ ដែលមានការរចនាគែមស្តើងជាងមុន ជាមួយប្រវែងវែងតួខ្លួនសរុប ១៥៨,៤ ម.ម ទទឹង ៧៥,៧ ម.ម និងកម្រាស់ ៧,៣ ម.ម ស្តើងជាង Galaxy S24 Plus ០,៤ ម.ម។ លើសពីនេះទៅទៀត Samsung Galaxy S25 ត្រូវបានរំពឹងថានឹងទទួលបាន RAM 12GB និងអង្គផ្ទុក 256GB ដំណើរការដោយបន្ទះឈីប Snapdragon 8 Gen 4 ឫ Exynos 2500 (តំបន់ខ្លះ) និងប្រព័ន្ធប្រតិបត្តិការ Android 15 នៅលើ One UI 7 ព្រមទាំងទទួលបានថាមពលថ្ម 4,900 mAh គាំទ្រការសាកថ្ម 45W ។
ចំណែកផ្នែកកាម៉េរ៉ាវិញ នឹងមានបំពាក់ជាមួយសេនស័រកាមេរ៉ាខាងមុខមានទំហំ 12MP និងមានកាមេរ៉ាខាងក្រោយទំហំ 50MP។ ខណៈព៌ត័មានលម្អិតខាងក្រុមហ៊ុនមិនទាន់ដាក់បង្ហាញចេញនៅឡើយទេ៕