ក្រុមហ៊ុន LG Display នឹងវិនិយោគបន្ថែមទឹកប្រាក់ ៧២៥ លានដុល្លារបន្ថែមទៀត នៅក្នុងរោងចក្រផលិតរបស់ខ្លួន នៅទីក្រុងកំពង់ផែ Hai Phong ភាគខាងជើងប្រទេសវៀតណាម ដោយការវិនិយោគចុងក្រោយនេះ ធ្វើឲ្យទំហំវិនិយោគសរុប មានចំនួន ៣,២៥ ពាន់លានដុល្លារ។3
ពាណិជ្ជកម្ម
ថវិកាទាំងនោះនឹងត្រូវប្រើដើម្បីពង្រីករោងចក្រ ដោយចាប់ផ្តើមពីខែមីនា។ ជាមួយគ្នានេះដែរ ការផលិតនឹងចាប់ផ្តើមនៅខែឧសភា។
ក្រោយទទួលបានការវិនិយោគបន្ថែម វានឹងអាចបង្កើតការងារថ្មីចំនួន ៥ ០០០ ហើយចូលរួមវិភាគទានប្រហែល ៥ លានដុល្លារជារៀងរាល់ឆ្នាំ ដល់ថវិកាជាតិរបស់រដ្ឋាភិបាល។
គួរឲ្យដឹងថា ក្រុមហ៊ុន LG Display បានវិនិយោគជាលើកដំបូង នៅក្នុងទីក្រុង Hai Phong ក្នុងខែមេសា ឆ្នាំ ២០១៦ ហើយបច្ចុប្បន្ននេះមានបុគ្គលិកជាង ១៣ ៩០០ នាក់ហើយ៕