កាលពីពេលថ្មីៗនេះ ក្រុមហ៊ុនផលិតទូរស័ព្ទដៃ Vivo បានប្រកាសដាក់បង្ហាញចេញលក់ជាផ្លូវការនូវទូរស័ព្ទដៃ Vivo T3 Ultra 5G ក្នុងទីផ្សារប្រទេសឥណ្ឌា ជាមួយតម្លៃលក់ខ្ទង់ ៣៦៦ ដុល្លារ។
ទូរស័ព្ទដៃ Vivo T3 Ultra ទទួលបានអេក្រង់ AMOLED ទំហំ ៦,៧៧ អ៊ីញ 120Hz មានកម្រិតពន្លឺ 4500 nits និងកម្រិតបង្ហាញ 1.5K ដំណើរការដោយបន្ទះឈីប MediaTek Dimensity 9200+ និងទទួលបាន RAM 12GB និងអង្គផ្ទុក 256GB ។
សម្រាប់ផ្នែកកាមេរ៉ាទូរស័ព្ទដៃ Vivo T3 Ultra ទទួលបានកាម៉េរ៉ាគោលខាងក្រោយចំនួន២ ទំហំ 50MP ជំនួយដោយមុខងារគ្រប់គ្រងលំនឹង OIS បូករួមជាមួយលេន Ultra-Wide ទំហំ 8MP ខណៈដែលកាមេរ៉ាមុខមានទំហំ 50MP គាំទ្រការថតវីឌីអូ 4K 60fps។ សម្រាប់ផ្នែកថាមពលវិញ វាទទួលបានថាមពលថ្ម 5,500mAh គាំទ្រការសាកល្បឿនលឿន 80W ។ លើសពីនេះទៅទៀត ទូរស័ព្ទនេះ មានបំពាក់ជាមួយអាវការពារធូលី និងទឹក IP68 និងទទួលបានពិន្ទុពី AnTuTu ចំនួន ១,៦ លានពិន្ទុ។
ចំពោះការរចនារបស់ទូរស័ព្ទដៃ Vivo T3 Ultra មានសភាពស្តើងដែលមានកម្រាស់ត្រឹមតែ ៧,៥៨ ម.ម ប៉ុណ្ណោះ ជាមួយជម្រើសពណ៌បៃតងស្រាល។