កាលពីពេលថ្មីៗនេះ ក្រុមហ៊ុនផលិតទូរស័ព្ទដៃ TECNO បានប្រកាសដាក់បង្ហាញចេញលក់ជាផ្លូវការនូវទូរស័ព្ទដៃ TECNO POVA 6 NEO 5G ជាមួយតម្លៃលក់ចាប់ពី ១៦៧,៩៩ ដុល្លារ ដល់ ១៧៩,៩៩ ដុល្លារ ក្នុងទីផ្សារប្រទេសឥណ្ឌា។
ទូរស័ព្ទដៃ TECNO POVA 6 NEO 5G ទទួលបានអេក្រង់ HD+ LCD ទំហំ ៦,៦៧ អ៊ីញ 120Hz មានកម្រិតបង្ហាញ 1600 x 720 pixels ដំណើរការដោយបន្ទះឈីប MediaTek Dimensity 6300 6nm ជាមួយ Arm Mali-G57 MC2 GPU និងប្រព័ន្ធប្រតិបត្តិការ Android 14 នៅលើ HiOS 14.5 ព្រមទាំងទទួលបាន 6GB / 8GB អង្គផ្ទុក 128GB / 256GB ។
សម្រាប់កាមេរ៉ាគោលខាងក្រោយរបស់ TECNO POVA 6 NEO 5G មានទំហំ 108MP បំពាក់ជាមួយលេន AI ខណៈដែលកាមេរ៉ាមុខមានទំហំ 8MP ។ ចំណែកផ្នែកថាមពលវិញ វាទទួលបានថាមពលថ្ម 5,000mAh គាំទ្រការសាកថ្ម 18វ៉ាត់។ លើសពីនេះទៅទៀត ទូរស័ព្ទដៃ TECNO POVA 6 NEO 5G មានភ្ជាប់មកជាមួយមុខងារការពារជម្រាបទឹក និងធូលី IP54, រន្ធដោតកាសចំនួន១ និងមុខងារស្កេនម្រាមដៃនៅផ្នែកចំហៀង អាចដាក់សុីមបានចំនួន២ ព្រមទាំងគាំទ្រការតភ្ជាប់ 5G, 4G VoLTE, Wi-Fi, Bluetooth 5.3, GPS និង USB Type-C។
ចំពោះការរចនារបស់ទូរស័ព្ទដៃ TECNO POVA 6 NEO 5G មានសភាពស្តើងដែលមានកម្រាស់ត្រឹមតែ ៧,៨ មីលីម៉ែត្រ និងទម្ងន់ ១៩២,៣ ក្រាម ប៉ុណ្ណោះ និងទទួលបាននូវជម្រើសពណ៌ចំនួន៣ រួមមានពណ៌ Azure Sky, Midnight Shadow និង Aurora៕