បន្ទាប់ពីប្រកាសដាក់់បង្ហាញចេញវីឌីអូ Teaser កាលពីពេលថ្មីៗនេះ ពេលនេះ ក្រុមហ៊ុន HUAWEI បានប្រកាសដាក់បង្ហាញចេញជាផ្លូវការនូវទូរស័ព្ទ HUAWEI Mate XT ដែលជាទូរស័ព្ទដំបូងគេក្នុងពិភពលោកដែលបំពាក់អេក្រង់អាចបត់បាន ៣តង់ ជាមយយតម្លៃលក់ចាប់ពី ២ ៨០០ដុល្លារ ដល់ ៣ ៣៧០ ដុល្លារ ក្នុងទីផ្សារប្រទេសចិន។
ទូរស័ព្ទ HUAWEI Mate XT មានបំពាក់ដោយអេក្រង់ធម្មតាទំហំ ៦,៤អ៊ីញ មានកម្រិតបង្ហាញ 2232 × 1008 pixels និងអេក្រង់ទំហំ ៧,៩អ៊ីញ ពេលលាត ២តង់ មានកម្រិតបង្ហាញ 2232 × 2048 pixels និងអេក្រង់ទំហំ ១០,២អ៊ីញ 240Hz ពេលលាតពេញ ៣តង់ មានកម្រិតបង្ហាញ 2232 × 3184 pixels ដំណើរការដោយបន្ទះឈីប Kirin 9000 និងប្រព័ន្ធប្រតិប្តិការនៅលើ HarmonyOS 4.2 ព្រមទាំងទទួលបាន RAM 16GB និងអង្គផ្ទុក 256GB | 512GB | 1TB ។
ចំពោះការរចនានៅផ្នែកខាងក្រោយរបស់ទូរស័ព្ទដៃ HUAWEI Mate XT មានបំពាក់ជាមួយស៊ុមដែកពណ៌មាស រចនាបញ្ជូលគ្នាជាមួយស្បែក និងឡូហ្គូល Designed & Crafted by HUAWEI ។ លើសពីនេះទៅទៀត Huawei Mate XT មានភ្ជាប់មកជាមួយបច្ចេកវិទ្យាថ្មីៗ ដែលសមត្ថភាព AI មុខងារកាមេរ៉ាឆ្លាតវៃ ជាមួយជម្រើសពណ៌តួខ្លួនចំនួន២ គឺ Golden និង Dark Black និងគាំទ្រការតភ្ជាប់ 5G SA/NSA,4G VoLTE, Wi-Fi 802.11 ax (2.4GHz and 5GHz), Bluetooth 5.2 LE, GPS (L1 + L5 dual-band), NavIC, NFC, និង USB 3.1 Type-C (GEN1)។
សម្រាប់ផ្នែកកាម៉េរ៉ាវិញ ទទួលបានកាម៉េរ៉ាគោលទំហំ 50MP មានមុខងារគ្រប់គ្រងលំនឹង OIS រួមជាមួយលេន Ultra Wide 12MP និងលេន Telephoto 12MP 5.5x បូករួមនឹងកាម៉េរ៉ាមុខទំហំ 8MP។ លើសពីនេះទៅទៀត ទូរស័ព្ទ HUAWEI Mate XT ទទួលបានថាមពលថ្មទំំហំ 5,600mAh អាចសាកតាមខ្សែ 66W និង 50W wireless fast charging។
អ្វីដែលកាន់តែពិសេសនោះ នៅពេលដែលក្រុមហ៊ុន HUAWEI បានប្រកាសបើកការកម្ម៉ង់ទុកសម្រាប់ទូរស័ព្ទ HUAWEI Mate XT គឺ មានមនុស្សរហូតដល់ទៅ ៣លាននាក់ជាងទៅហើយដែលបានធ្វើការកុម្ម៉ង់ទុកសម្រាប់ទូរស័ព្ទដៃមួយនេះ៕