បន្ទាប់ពី ក្រុមហ៊ុន Apple គ្រោងធ្វើការប្រកាសដាក់បង្ហាញចេញនូវទូរស័ព្ទដៃ iPhone 16 នៅក្នុុងយប់នេះ(ថ្ងៃទី១០)ជាផ្លូវការ ពេលនេះ ព៌ត័មានលម្អិតរបស់កាមេរ៉ាទូរស័ព្ទដៃ iPhone 16 កំពុងត្រូវបានដាក់បង្ហាញចេញជាមួយនឹងការអាប់ឌែតថ្មីមួយចំនួន ហើយខាងក្រោមនេះជាលក្ខណៈពិសេស និងការកែលម្អសំខាន់ៗដែលមាននៅលើកាមេរ៉ាទូរស័ព្ទដៃ iPhone 16 ៖
១) ថតវីដេអូបាន 4K ក្នុងល្បឿន ១២០ហ្វ្រេម ក្នុងមួយវិនាទី។
២) គាំទ្រការថតវីដេអូ ProRes 4K តាមរយៈការតភ្ជាប់ខាងក្រៅ ដូចជាការតភ្ជាប់ SSD តាមរយៈរន្ធ USB-C របស់ iPhone ដោយមិនចាំបាច់ផ្ទុកទិន្នន័យនៅខាងក្នុងទូរស័ព្ទ។
៣) គាំទ្រការថត 4K នៅពេលប្រើមុខងារ QuickTake។
៤) គាំទ្រការថតរូបក្នុងទម្រង់ JPEG-XL ដើម្បីឲរូបពេលថតចេញមកគុណភាពខ្ពស់ជាងមុន និងមានទំហំ file តូចជាងមុន។
៥) អាច Pause និង Resume បានពេលថតវីដេអូ។
៦) បន្ថែមមុខងារថ្មីដើម្បីលុបសំឡេងរំខាន់ចេញពីវីដេអូពេលថត។
៧) បន្ថែមប៊ូតុងថតរូបថ្មី Capture Button នៅជិតប៊ូតុង Power។
៨) ការកែលម្អទៅលើលេន Ultra Wide ដោយផ្លាស់ប្តូរពី 12MP ទៅ 48MP។
៩) ការពង្រីកអុបទិកនៅលើកាម៉េរ៉ា Telephoto ទៅជា 5x Optical Zoom។
១០) ការអាប់ឌែតថ្មីទៅលើកាម៉េរ៉ាគោលដោយបំពាក់ជាមួយលេនចាប់សញ្ញាថ្មី ដែលធ្វើឱ្យការថតរូបនៅក្នុងលក្ខខណ្ឌដែលមានពន្លឺខ្សោយកាន់តែមានភាពប្រសើរឡើង៕