កាលពីពេលថ្មីៗនេះ ក្រុមហ៊ុន Samsung បានប្រកាសដាក់បង្ហាញចេញជាផ្លូវការនូវកុំព្យូទ័រយួរដៃសេរ៊ីថ្មីរបស់ខ្លួនគឺ Samsung Galaxy Book5 Pro 360 ក្នុងទីផ្សារតំបន់អឺរ៉ុប ជាមួយជម្រើសពណ៌ប្រផេះ និងពណ៌ប្រាក់ ដែលតម្លៃលក់ចាប់ពី ២ ២២៨ ដុល្លារ ដល់ ២ ៤៩០ ដុល្លារ។
កុំព្យូទ័រយួរដៃ Samsung Galaxy Book5 Pro 360 បំពាក់ដោយអេក្រង់ Dynamic AMOLED 2X ទំហំ ១៦អ៊ីញ 120Hz មានកម្រិតពន្លឺ 500 nits និងកម្រិតបង្ហាញ 2880×1800 pixels។ កុំព្យូទ័រយួរដៃនេះ ដំណើរការដោយបន្ទះឈីប Intel Core Ultra processors (Series 2) ជាមួយ Intel AI Boost, Intel ARC Graphics និងប្រព័ន្ធប្រតិបត្តិការ Windows 11, ប្រព័ន្ធសុវត្ថិភាព Samsung Knox ព្រមទាំងទទួលបាន RAM 16GB | 32GB និងអង្គផ្ទុកទិន្នន័យ 512GB | 1TB ។
លើសពីនេះទៅទៀត កុំព្យូទ័រយួរដៃ Samsung Galaxy Book5 Pro 360 មានភ្ជាប់មកជាមួយកាម៉េរ៉ា Webcam ទំហំ 2MP 1080P HD, រន្ធ Microphone ចំនួន២, រន្ធសម្លេងចំនួន៤, ប៊ិក S Pen ចំនួន១, រន្ធ Thunderbolt 4 ports ចំនួន២, រន្ធ Micro SD ចំនួន១, រន្ធដោតកាសចំនួន១, រន្ធ USB-A (3.2) ចំនួន១ និង រន្ធ HDMI 2.1 (Supports 8K@60Hz, 5K@120Hz) ចំនួន១។
គួរឲដឹងថា កុំព្យូទ័រយួរដៃ Samsung Galaxy Book5 Pro 360 គាំទ្រមុខងារ AI-acceled ជាង ៣០០ នៅលើកម្មវិធី និងជាង ១០០ សម្រាប់ការប្រើប្រាស់ លេងហ្គេម និងការកម្សាន្ត ហើយវាក៏រួមបញ្ចូលផងដែរនូវមុខងារ Microsoft Phone Link មុខងារ Galaxy AI មួយចំនួនដូចជា Circle to Search ជាមួយ Google, Chat Assist និង Live Translate ជាដើម៕