កាលពីពេលថ្មីៗនេះ ក្រុមហ៊ុនផលិតទូរស័ព្ទដៃ Xiaomi បានប្រកាសដាក់បង្ហាញចេញជាផ្លូវការនូវទូរស័ព្ទដៃ Redmi 14C ជាមួយតម្លៃលក់ ១១៩ដុល្លារ ក្នុងទីផ្សារសកល។
ទូរស័ព្ទដៃ Redmi 14C បំពាក់ដោយអេក្រង់ LCD ទំហំ ៦,៨៨អ៊ីញ 120Hz មានកម្រិតពន្លឺ 600 nits និងកម្រិតបង្ហាញ 720 x 1640 pixels។ ទូរស័ព្ទដៃនេះដំណើរការដោយបន្ទះឈីប Octa Core MediaTek Helio G81-Ultra (Dual 2GHz Cortex-A75 + Hexa 2GHz 6x Cortex-A55 CPUs) ជាមួយ ARM Mali-G52 2EEMC2 GPU និងប្រព័ន្ធប្រតិបត្តិការ Android 14 នៅលើ Xiaomi HyperOS ព្រមទាំងទទួលបាន RAM 4GB | 6GB | 8GB និងអង្គផ្ទុកទិន្នន័យ 128GB | 256GB អាចបន្ថែមដល់ 1TB តាម microSD។ លើសពីនេះទៅទៀត ទូរស័ព្ទដៃ Redmi 14C ក៏អាចប្រើប្រាស់សុីមបានចំនួន២ ផងដែរ (nano + nano + microSD) ហើយក៏អាចស្កេនម្រាមដៃនៅផ្នែកចំហៀងបានផងដែរ។
គួរឲដឹងថា ទូរស័ព្ទដៃ Redmi 14C មានកម្រាស់ត្រឹមតែ ៨,២២ ម.ម និងមានទម្ងន់ ១០៤ក្រាម ប៉ុណ្ណោះ ជាមួយជម្រើសពណ៌តួខ្លួនចំនួន៤ រួមមាន Midnight Black, Dreamy Purple, Sage Green និង Starry Blue ។ សម្រាប់ការតភ្ជាប់ Redmi 14C គាំទ្រ 4G VoLTE | Wi-Fi 802.11 ac (2.4GHz + 5GHz) | Bluetooth 5.4 | GPS | USB Type-C Port | 3.5mm audio jack និង FM Radio ជាដើម៕