មិនធម្មតា! Sony លក់ឧបករណ៍ហ្គេម PlayStation 5 បាន ៤,៥ លានគ្រឿងកាលពីឆ្នាំមុន

យោងតាមប្រភពព័ត៌មានបានឲ្យដឹងថា ក្រុមហ៊ុន Sony បាននាំចេញឧបករណ៍ហ្គេម PlayStation 5 ចំនួន ៤,៥ លានគ្រឿងនៅទូទាំងពិភពលោក ក្នុងឆ្នាំ ២០២០។ ចំនួននេះបញ្ជាក់ពីសមត្ថភាពរបស់ក្រុមហ៊ុន Sony នាពេលបច្ចុប្បន្នក្នុងការផលិតដ៏ច្រើនសន្ធឹក សម្រាប់ផលិតផលដែលពិបាកទិញយ៉ាងខ្លាំងមួយនេះ ចាប់តាំងពីដាក់លក់នៅខែវិច្ឆិកាមក។

ពាណិជ្ជកម្ម

តម្រូវការសម្រាប់ PlayStation 4 បានធ្លាក់ចុះយ៉ាងខ្លាំងពីមួយឆ្នាំទៅមួយឆ្នាំ ជាមួយនឹងការដឹកជញ្ជូនចេញត្រឹមចំនួន ១,៤ លានគ្រឿង នៅចន្លោះខែតុលា និងខែធ្នូ ដែលជាការធ្លាក់ចុះ ៧៧ ភាគរយ បើប្រៀបធៀបទៅនឹងឆ្នាំមុន។

គួរឲ្យដឹងថា អាជីវកម្មហ្គេមរបស់ក្រុមហ៊ុន Sony ជាទូទៅមានដំណើរការល្អប្រសើរជាងមួយឆ្នាំកន្លងទៅ ដោយអ្នកវិភាគ Daniel Ahmad កត់សំគាល់ថា វាពិតជាត្រីមាសល្អបំផុតក្នុងប្រវត្តិសាស្ត្រ PlayStation។

មិនតែប៉ុណ្ណោះ ប្រាក់ចំណូលបានកើនឡើង ៤០ ភាគរយ ដល់ ៨,៤ ពាន់លានដុល្លារ ដែលជំរុញដោយការលក់ PlayStation 5។ ជាមួយគ្នានេះដែរ ប្រាក់ចំណេញប្រតិបត្តិការបានកើនឡើង ៥០ ភាគរយ ៧៦៣,៣ លានដុល្លារ ដោយសារតែការលក់ហ្គេមកាន់តែច្រើន, ការជាវ PlayStation Plus និង ការលក់ផ្នែករឹង (hardware) របស់ PlayStation 4៕