[ទីផ្សារចិន] កាលពីពេលថ្មីៗនេះ ក្រុមហ៊ុនផលិតរថយន្ត BMW Brilliance Automotive បានធ្វើការដាក់បង្ហាញចេញរថយន្ត BMW X3 មាន ២ ជម្រើសរួមមាន 25L xDrive និង 30L xDrive ដែលមានតម្លៃលក់់ក្នុងទីផ្សារប្រទេសចិនចាប់ពី ៥៩ ៧០០ ដុល្លារ ដល់ ៧៤ ៦០០ ដុល្លារ ខណៈសម្រាប់ថ្ងៃចេញលក់ជាផ្លូវការខាងក្រុមហ៊ុនមិនទាន់បបង្ហាញនូវឡើយទេ។
ទាក់ទងផ្នែកម៉ាស៊ីនវិញ រថយន្តនេះដំណើរការដោយម៉ាសុីនសុាំងចំណុះ ២,០ លីត្រ turbocharged ទំហំ ៤ សុីឡាំង អាចផលិតកម្លាំងបាន ១៩០ សេះ និងកម្លាំងរមួល ៣១០ សម្រាប់ជម្រើស (25L xDrive) ចំណែកជម្រើស (30L xDrive) វិញ ផលិតកម្លាំងបាន ២៥៨ សេះ និងកម្លាំងរមួល ៤០០ ញ៉ូតុនម៉ែត្រ ភ្ជាប់ដោយប្រអប់លេខអូតូ ៨ វគ្គ ប្រភេទបើកបរប៉ុង២ AWD។
ចំពោះការរចនាផ្នែកខាងក្រៅ រថយន្តនេះ មានប្រវែងតួខ្លួនសរុប ៤ ៨៦៥ ម.ម ទទឹង ១ ៩៣០ ម.ម និងប្រវែងគម្លាតកង់មុខ-ក្រោយវែងជាង BMW X3 របស់អាមេរិក ១១០ ម.ម ដែលបំពាក់ដោយប៉ាណាសំណុំហ្សីនរបស់ BMW ផ្ទាល់ មានលក្ខណៈស្ព័រ អមដោយចង្កៀងមុខ LED និងចង្កៀងក្រោយ LED ដ៏ស្លីម រាងអក្សរ X រួមជាមួយថាសកង់ស្ព័រ និងបំពង់ស៊ីមាំងស្ព័រ ជាដើម។
សម្រាប់ផ្នែកខាងក្នុុងមានសភាពប្រណិតដោយទទួលបានអេក្រង់ភ្លោះទំហំធំដែលរចនារួមបញ្ជូលគ្នារវាងកុងទ័របង្ហាញព័ត៌មានឌីជីថល និងអេក្រង់កំសាន្ត touchscreen ភ្ជាប់ប្រព័ន្ធប្រតិបត្តិការរបស់ BMW រួមជាមួយអេក្រង់បង្ហាញលើកញ្ចក់ Head-Up Display ក៏ដូចជាដំបូលកញ្ចក់មានពន្លឺ panoramic glass roof កៅអីប្រភេទ Veganza និងកន្លែងសាកថ្មឥតខ្សែ៕