នាពេលថ្មីៗនេះ ក្រុមហ៊ុន HUAWEI បានធ្វើការដាក់បង្ហាញចេញជាផ្លូវការនូវថេបប្លេត HUAWEI MatePad Pro 12.2 សេរ៊ីឆ្នាំ២០២៤ ក្នុងទីផ្សារប្រទេសចិន ជាមួយតម្លៃលក់ចាប់ពី ៦០០ ដុល្លារ។
ថេបប្លេត HUAWEI MatePad Pro បំពាក់ដោយបន្ទះអេក្រង់ ១២,២ អ៊ីញ 144Hz OLED មានកម្រិតពន្លឺ ២ ០០០ នីត ដំណើរការដោយប្រព័ន្ធ HarmonyOS 4.2 ព្រមទាំងទទួលបានអង្គផ្ទុក ១២ ជីកាប៊ៃ | ១៦ ជីកាប៊ៃ និងអង្គចងចាំ ២៥៦ ជីកាប៊ៃ | ៥១២ ជីកាប៊ៃ | ១ ០០០ ជីកាប៊ៃ រួមទាំងប៊ិក HUAWEI M-Pencil ជំនាន់ទី៣ និងក្តារចុច Huawei Xingyue Keyboard ចេញពីប្រអប់។ សម្រាប់ថេបប្លេតនេះ ទទួលបានថាមពលថ្ម ១០ ១០០ មីលីអំពែរ គាំទ្រការសាកថ្មល្បឿនលឿន ១០០ វ៉ាត់ Turbo សាកឡើងពី ០ ទៅ ៨៥ ភាគរយ ចំណាយពេល ៤០ នាទី។
ចំពោះផ្នែកកាម៉េរ៉ា បំពាក់ដោយសេនស័រកាមេរ៉ាខាងមុខមានទំហំ ៨ មេហ្គាភិកសែល និងលេនគោល ១៣ មេហ្គាភិកសែល OIS បូករួមទាំងលេនថតមុំទូលាយ Ultra-wide ទំហំ ៨ មេហ្គាភិកសែល ។ គួរបញ្ជាក់ថា MatePad Pro 12.2 ទទួលបានពណ៌តួខ្លួនគោលចំនួន ៣ រួមមាន ពណ៌មាស ពណ៌ស និងពណ៌ខ្មៅ រចនាពីលោហៈធាតុប្រណិតងាយស្រួលសម្អាត។ វាមានទម្ងន់ ៥០៨ ក្រាម និងកម្រាស់ ៥,៥ មីលីម៉ែត្រ បំពាក់រន្ធសម្លេងចំនួន ៤ ចំនុច រួមជាមួយ Wi-Fi | Bluetooth 5.2 | USB 3.1 Gen 1 | GPS ក៏ដូចជាមុខងារស្កេនម្រាមដៃ និងមុខងារ AI មួយចំនួនដូចជា មុខងារសរសេរអត្ថបទ មុខងារសង្ខេបអត្ថបទ មុខងារគ្រប់គ្រងព៌ត័មានផ្ទាល់ខ្លួន និងព៌ត័មានប្រចាថ្ងែ៕