នាពេលថ្មីៗនេះ ក្រុមហ៊ុនផលិតទូរស័ព្ទដៃ Huawei បានធ្វើការដាក់បង្ហាញចេញនូវស្មាតហ្វូនបត់អេក្រង់សេរ៊ីថ្មី Huawei nova Flip ក្នុងទីផ្សារប្រទេសចិន ដោយគ្រោងចេញលក់ជាផ្លូវការក្នុងពេលឆាប់ៗនេះ ខណៈតម្លៃខាងក្រុមហ៊ុនមិនទាន់ធ្វើការបង្ហាញនៅឡើយទេ។
ស្មាតហ្វូននេះនឹងបំពាក់ដោយបន្ទះអេក្រង់ខាងមុខទំហំ ៦,៩៤ អ៊ីញ OLED 120Hz និងអេក្រង់ខាងក្រោយទំហំ ២,១៤ អ៊ីញ OLED 60Hz និងមានកម្រិតពន្លឺ 1600 nits ដំណើរការដោយបន្ទះឈីប Kirin 9000S ព្រមទាំងមានជម្រើស RAM 12GB និងអង្គចងចាំ 256GB/512GB/1TB ចេញពីប្រអប់។ លើសពីនេះទៅទៀត ក៏ទទួលបានថាមពលថ្ម 4,400mAh និងដុំសាកល្បឿនលឿនទំហំ ៦៦ វ៉ាត់ ផងដែរ។
Huawei nova Flip មានទម្ងន់ ១៩៩ ក្រាម និងកម្រាស់ ៦,៩ ម.ម ពេលលាត និងកម្រាស់ ១៥,០៨ ម.ម ពេលបត់ សម្រាប់ផ្នែកខាងក្រោយត្រូវបានរចនាឡើងពីស្បែកនិងកញ្ជក់ អមជាមួយពណ៌តួខ្លួនចំនួន ៤ រួមមាន ស ខ្មៅ បែតង និងផ្កាឈូក។ សម្រាប់ផ្នែកកាម៉េរ៉ាវិញ ទទួលបានកាម៉េរ៉ាគោលខាងក្រោយទំហំ 50MP OIS លេនថតមុំប្លង់ទូលាយទំហំ 8MP និងកាម៉េរ៉ាខាងមុខមានទំហំ 32MP ។
ពាណិជ្ជកម្ម
