[បរទេស] កាលពីពេលថ្មីៗនេះ ក្រុមហ៊ុនផលិតរថយន្ត Tesla បានធ្វើការដាក់បង្ហាញរូបភាពរបស់រោងចក្រ Semi Factory របស់ខ្លួនដែលគ្រោងបើកដំណើរការក្នុងឆ្នាំ២០២៥ ខាងមុខនេះ ក្នុងការផលិតរថយន្តដឹងទំនិញអគ្គិសនី Tesla Semi ដែលមានទីតាំងនៅជាប់នឹងរោងចក្រ Gigafactory Texas ក្នុងរដ្ឋ Nevada សហរដ្ឋអាមេរិក។
ចំពោះរថយន្ត Tesla Semi នេះ ត្រូវបានដាក់បង្ហាញ Concept ដំបូងនៅក្នុងឆ្នាំ២០១៧ ហើយវាត្រូវបានរំពឹងថានឹងចេញលក់នៅលើទីផ្សារក្នុងឆ្នាំ២០២០ ប៉ុន្តែការផលិតជាក់ស្តែងគឺនៅចុងឆ្នាំ២០២២ នោះទេ។ គួរបញ្ជាក់ផងថា ក្រុមហ៊ុន Tesla បានផលិតរថយន្ត Tesla Semi នេះប្រមាណតែ ៧០ គ្រឿងប៉ុណ្ណោះ ដើម្បីធ្វើតេស្តសាកល្បងប្រើប្រាស់ក្នុងក្រុមហ៊ុនផ្ទាល់ រួមជាមួយដៃគូសហការណ៏ដ៏ពិសេសគឺ PepsiCo ។
នៅក្នុងខែមេសា ឆ្នាំ២០២៤ នេះ ក្រុមហ៊ុន Tesla បាននិយាយថា គម្រោងផែនការសាងសង់រោងចក្រនេះនឹងបញ្ចប់ជាផ្លូវការនៅក្នុងឆ្នាំ២០២៥ ហើយចាប់ផ្តើមផលិតរថយន្តដឹកទំនិញ Tesla Semi នៅចុងឆ្នាំនោះផងដែរ។ ពួកគេបានបន្ថែមទៀតថា ក្រុមហ៊ុនផ្ទាល់មានបំណងផលិតរថយន្ត Tesla Semis តែ ៥ មុឺនគ្រឿងប៉ុណ្ណោះក្នុងមួយឆ្នាំ។