ក្រុមហ៊ុន Boeing បាននិយាយកាលពីថ្ងៃសុក្រ ទី២២ ខែមករា ឆ្នាំ២០២១ កន្លងទៅនេះថា ខ្លួននឹងចាប់ផ្តើមលក់យន្តហោះពាណិជ្ជកម្ម ដែលមានសមត្ថភាពហោះហើរបាន ១០០ ភាគរយដោយប្រើជីវឥន្ធនៈ (biofuel) នៅចុងទសវត្សនេះ ហើយចាត់ទុកវាថា ជាការកាត់បន្ថយការខូចខាតដល់បរិស្ថានពីឥន្ធនៈហ្វូស៊ីល (fossil fuels) ដែលជា “បញ្ហាប្រឈមនៃជីវិតរបស់យើង”។
គោលដៅរបស់ក្រុមហ៊ុន Boeing ដែលទាមទារការជឿនលឿនដល់ប្រព័ន្ធយន្តហោះ គឺជាចំណុចសំខាន់នៃគោលដៅឧស្សាហកម្មក្នុងការកាត់បន្ថយការបញ្ចេញកាបូន នៅពាក់កណ្តាលឆ្នាំ ២០៥០។
គួរឲ្យដឹងថា ការហោះហើរពាណិជ្ជកម្មបច្ចុប្បន្ន មានប្រហែល ២ ភាគរយ នៃការបំភាយកាបូនលើពិភពលោក និងប្រហែល ១២ ភាគរយ នៃការបំភាយឧស្ម័នពុលតាមរយៈការដឹកជញ្ជូន។
គួរបញ្ជាក់ថា ក្រុមហ៊ុន Boeing មានពេលត្រឹមតែមួយទសវត្សរ៍ប៉ុណ្ណោះ ដើម្បីឈានដល់គោលដៅរបស់ខ្លួន ពីព្រោះយន្តហោះដឹកអ្នកដំណើរដែលចូលបម្រើសេវាកម្មនៅឆ្នាំ ២០៣០ នឹងស្ថិតក្នុងសេវាកម្មរហូតដល់ឆ្នាំ ២០៥០៕