[បរទេស] បន្ទាប់ពីមានការលេចធ្លាយ និងមានពាក្យចចាមអារ៉ាមជាច្រើនខែ ពេលនេះក្រុមហ៊ុន Samsung បានប្រកាសជាផ្លូវការ ថ្ងៃទី១០ ខែកក្កដា គឺជាថ្ងៃនៃការដាក់លក់ Galaxy Z Fold 6, Flip 6 និងឧបករណ៍ថ្មីផ្សេងទៀត របស់ខ្លួន។
នៅក្នុង Teaser ក្រុមហ៊ុន Samsung បញ្ជាក់ថាខ្លួននឹងរៀបចំព្រឹត្តិការណ៍ Galaxy Unpacked នៅថ្ងៃទី ១០ ខែកក្កដា នៅទីក្រុងប៉ារីស ប្រទេសបារាំង ហើយព្រឹត្តិការណ៍នេះធ្វើឡើងតែ ២ ឫ ៣សប្តាហ៍ មុនព្រឹត្តិការណ៍កីឡាអូឡាំពិកទីក្រុងប៉ារីសឆ្នាំ២០២៤ ដែលក្នុងនោះ Samsung គឺជាអ្នកឧបត្ថម្ភធំផ្តាច់មុខតែម្តង។
ចំពោះផលិតផលដែលដែលត្រូវរំពឹងថានឹងបង្ហាញមានដូចជា៖
- Galaxy Z Fold 6 ទទួលបានពណ៌តួខ្លួនថ្មី តម្លៃប្រហែល ១,៨៩៩ដុល្លារ
- Galaxy Z Flip 6 តម្លៃប្រហែល ១,០៩៩ដុល្លារ
- Samsung Galaxy Tab S10 Ultra
- Galaxy Buds 3 Pro
- Samsung Galaxy Watch Ultra តម្លៃប្រហែល ៧០០ដុល្លារ
- Samsung Galaxy Ring
សម្រាប់ការកក់ទុកមុខនឹងទទួលបានការបញ្ជុះតម្លៃ ៥០ដុល្លារ បើតាមការបញ្ចាក់ពីខាងក្រុមហ៊ុន។
ព្រឹត្តិការណ៍នេះនឹងផ្សាយបន្តផ្ទាល់ពីទីក្រុងប៉ារីសនៅម៉ោង ៣ រសៀល ម៉ោងក្នុងស្រុក និងអាចមើល live បានតាម YouTube និងបណ្តាញសង្គមផ្សេងៗរបស់ Samsung ផ្ទាល់។