ការតុបតែងថ្មីសម្រាប់ Nothing Phone (2a) ដែលក្រុមហ៊ុនបានឲ្យតម្រុយកាលពីប៉ុន្មានថ្ងៃមុន ពេលនេះបានបង្ហាញវត្តមានជាផ្លូវការហើយ ក្រោមឈ្មោះថា Nothing Phone (2a) Special Edition ជាស្មាតហ្វូនរបស់ Nothing ដែលមានច្រើនពណ៌ជាងគេ ដោយមានរំលេចពណ៌ក្រហម លឿង និងខៀវ។
ពាណិជ្ជកម្ម
ជាមួយ Nothing Phone (2a) Special Edition នេះ នៅតែរក្សាអត្តសញ្ញាណដើម ជាមួយសម្បកដែលអាចមើលឃើញដល់ផ្នែកខាងក្នុង។
Phone (2a) Special Edition មានដាក់លក់ក្នុងចំនួនកំណត់លើវិបសាយផ្លូវការរបស់ Nothing ជាមួយ RAM 12GB និងអង្គផ្ទុក 256GB មានតម្លៃប្រមាណ ៤៤៤ដុល្លារ លើទីផ្សារអង់គ្លេស។
ក្រៅពីរូបរាងខាងក្រៅ លក្ខណៈសម្បត្តិស្នូលគឺដូចនឹង Phone (2a) ដែរ ពោលមានអេក្រង់ ៦,៧អ៊ីញ AMOLED ប្រើឈីប Dimensity 7200 កាមេរ៉ាគោលទំហំ 50MP កាមេរ៉ា Ultrawide 50MP កាមេរ៉ា Selfie 32MP និងថ្មទំហំ 5000mAh អាចសាកកម្លាំង 45W៕