ក្រុមហ៊ុន FedEx Express នៅថ្ងៃអង្គារ ទី១៩ ខែមករា កន្លងទៅនេះ បានប្រកាសផែនការបញ្ឈប់បុគ្គលិកចន្លោះពី ៥ ៥០០ ទៅ ៦ ៣០០ នាក់ នៅអឺរ៉ុប ខណៈពេលដែលវាជិតបញ្ចប់ការរួមបញ្ចូលបណ្តាញជាមួយក្រុមហ៊ុន TNT Express របស់ខ្លួន។
ពាណិជ្ជកម្ម
ភាគហ៊ុនរបស់ក្រុមហ៊ុនដឹកជញ្ជូនមួយនេះបានកើនឡើងប្រហែល ១ ភាគរយ គឺ ២៥៤,៧៦ ដុល្លារក្នុងការជួញដូរពេលព្រឹក។
គួរឲ្យដឹងថា ក្រុមហ៊ុន FedEx បានទិញយកក្រុមហ៊ុន TNT Express ដែលមានជំនាញក្នុងការដឹកជញ្ជូនរវាងអាជីវកម្ម ដែលជាផ្នែកមួយនៃផែនការពង្រីកខ្លួននៅអឺរ៉ុប។
ក្រុមហ៊ុននេះបាននិយាយថា ការរួមបញ្ចូលបណ្តាញនៃក្រុមហ៊ុនទាំងពីរចូលគ្នានៅអឺរ៉ុប នឹងបណ្តាលឲ្យមានការកាត់បន្ថយការងារនៅក្នុងក្រុមប្រតិបត្តិការ និងមុខងារការិយាល័យ។ ទោះជាយ៉ាងណា គេរំពឹងថាផែនការនេះនឹងអាចសន្សំលុយបាន ២៧៥ ទៅ ៣៥០ លានដុល្លារក្នុងមួយឆ្នាំ៕