ពាណិជ្ជកម្មរបស់ប្រទេសវៀតណាមជាមួយចិន បានកើនឡើង ១៤ ភាគរយកាលពីឆ្នាំមុន ដល់ ១៣៣,០៩ ពាន់លានដុល្លារ ដែលធ្វើឲ្យវាក្លាយជាដៃគូពាណិជ្ជកម្មធំបំផុតទី ៦ របស់ប្រទេសនេះ។
ការនាំចេញរបស់ប្រទេសវៀតណាមទៅកាន់ប្រទេសចិន បានកើនឡើង ១៨ ភាគរយ ដល់ ៤៨,៩ ពាន់លានដុល្លារ ហើយការនាំចូល កើនឡើង ១២ ភាគរយ ដល់ ៨៤,១ ពាន់លានដុល្លារ។ នេះបើយោងតាមក្រសួងឧស្សាហកម្ម និងពាណិជ្ជកម្មវៀតណាម។
ពាណិជ្ជកម្ម
ទោះជាយ៉ាងណា ទំនិញនាំចេញបែបប្រពៃណីមួយចំនួនរបស់វៀតណាម ដូចជា កសិកម្ម វារីវប្បកម្ម និងជលផល បានជួបការលំបាកដោយការនាំចេញរបស់ពួកគេធ្លាក់ចុះជាង ៣ ភាគរយ ដល់ ៦,៨ ពាន់លានដុល្លារ។
គួរឲ្យដឹងថា ប្រទេសចិនគឺជាដៃគូពាណិជ្ជកម្មដ៏ធំបំផុតរបស់វៀតណាម និងជាទីផ្សារនាំចេញធំជាងគេទី ២ នៅពីក្រោយសហរដ្ឋអាមេរិក។ ប្រទេសវៀតណាមគឺជាដៃគូពាណិជ្ជកម្មធំជាងគេទី ៨ របស់ប្រទេសចិន ក្នុងឆ្នាំ ២០១៩ មុនពេលវាឡើងដល់លេខ ៦ ក្នុងឆ្នាំ ២០២០៕