ប្រធានក្រុមហ៊ុន Samsungរបស់កូរ៉េខាងត្បូង ត្រូវបានផ្តន្ទាទោសកាលពីថ្ងៃច័ន្ទ លើរឿងអាស្រូវពុករលួយដ៏ធំមួយ ហើយត្រូវបានកាត់ទោសឲ្យជាប់ពន្ធនាគាររយៈពេល ២ ឆ្នាំកន្លះ នៅក្នុងសេចក្តីសម្រេចមួយ។
លោក Lee Jae-yong ប្រធានក្រុមហ៊ុន Samsung Electronics ដែលជាក្រុមហ៊ុនផលិតស្មាតហ្វូន និង Memory Chip ធំជាងគេបំផុតនៅលើពិភពលោក ត្រូវបានរកឃើញថាមានទោសពីបទសូកប៉ាន់ និងកិបកេង ពាក់ព័ន្ធនឹងរឿងអាស្រូវដែលបានធ្វើឲ្យប្រធានាធិបតី Park Geun-hye ធ្លាក់ចុះពីតំណែង។
តុលាការ Seoul Central District Court បាននិយាយនៅក្នុងសាលក្រមរបស់ខ្លួនថា “លោក Lee បានផ្តល់សំណូកយ៉ាងសកម្ម និងបានស្នើសុំឲ្យលោកស្រី Park ប្រើអំណាចរបស់លោកស្រី ដើម្បីជួយដល់ភាពជោគជ័យរបស់ខ្លួនដោយរលូន”។
តុលាការខាងលើបានបន្ថែមទៀតថា “វាជារឿងអកុសលណាស់ដែល Samsung ជាក្រុមហ៊ុនឈានមុខគេរបស់ប្រទេស និងជាអ្នកច្នៃប្រឌិតសកលប្រកបដោយមោទនភាព បានពាក់ព័ន្ធម្តងហើយម្តងទៀតនៅក្នុងឧក្រិដ្ឋកម្ម នៅពេលមានការផ្លាស់ប្តូរអំណាចនយោបាយ”៕