បន្ទាប់ពីចំណាយពេលអស់ជាច្រើនឆ្នាំក្នុងការអភិវឌ្ឈជាមួយក្រុមហ៊ុន Google និងក្រុមហ៊ុន Qualcomm ពេលនេះ ក្រុមហ៊ុន Samsung បានប្រកាសបង្ហាញចេញជាផ្លូវការនូវ Galaxy XR ដែលជាឧបករណ៍ដំបូងគេក្នុងចំណោមឧបករណ៍ Android XR របស់ខ្លួនហើយ ដោយក្នុងនោះ គឺមានតម្លៃតែ ១ ៨០០ដុល្លារប៉ុណ្ណោះ។
ពាណិជ្ជកម្ម
ក្នុងនោះ បើនិយាយពី Samsung Galaxy XR នេះ គឺទទួលបាន Specs កប់តែម្តង ពោលគឺទទួលបាននូវអេក្រង់ប្រភេទ micro-OLED 90Hz ដែលមានកម្រិតបង្ហាញរហូតដល់ទៅ 3,552 x 3,840px ឯណ្ណោះ ចំណែកឈីប និងថ្មវិញ ក៏ទទួលបាននូវឈីប Snapdragon XR2+ Gen 2 ព្រមទាំងថាមពលថ្មធំដែលអាចប្រើប្រាស់បានរយៈពេលដល់ ២ ទៅ ៣ម៉ោងផងដែរ។
ក្រៅពីនេះ សម្រាប់ផ្នែកខាងកាមេរ៉ាវិញ ក៏ទទួលបាននូវប្រព័ន្ធកាមេរ៉ា High-resolution Pass-through ចំនួន ២, ប្រព័ន្ធកាមេរ៉ា World-facing trackingចំនួន ៦, ប្រព័ន្ធកាមេរ៉ា Eye-tracking ចំនួន ៤ ព្រមទាំងប្រព័ន្ធកាមេរ៉ា 3D រួមទាំងប្រព័ន្ធប្រតិបត្តិការ Android XR, ប្រព័ន្ធ Stereo Speaker ក៏ដូចជាបច្ចេកវិទ្យា iris recognition, RAM 16GB, អង្គផ្ទុក 256GB, រន្ធមីក្រូហ្វូនចំនួន ៦ចំនុច ព្រមទាំង Google Gemini AI, Wi-Fi 7 និង Bluetooth 5.4 ចេញពីប្រអប់ផងដែរ៕