ហុងកុង៖ លោក ជេក ម៉ា ស្ថាបនិកក្រុមហ៊ុនយក្សពាណិជ្ជកម្មអេឡិចត្រូនិកចិន Alibaba Group Holding បានលេចមុខជាសាធារណៈជាលើកដំបូងកាលពីថ្ងៃពុធ បន្ទាប់ពីសុន្ទរកថាដ៏ចម្រូងចម្រាសមួយកើតឡើង កាលពីចុងខែតុលា ឆ្នាំ២០២០ ដែលនាំឱ្យមានការផ្អាកការឡើងទីផ្សារភាគហ៊ុន IPO (Initial Public Offering) របស់លោក ANT Group។
នៅក្នុងវីដេអូ ៥០វិនាទីរបស់លោកដែលបានបង្ហោះដោយសារព័ត៌មាន Zhejiang លោក ជេក ម៉ាពាក្យអាវយឺតពណ៌ខៀវក្រម៉ៅ ដែលជាវីដេអូបង្ហាញពីការប្រជុំមួយទៅកាន់គ្រូបង្រៀនភូមិ។ នៅក្នុងវីដេអូនោះ លោក ជេក ម៉ាដែលជាអតិតគ្រូបង្រៀនភាសាអង់គ្លេសម្នាក់ បានបង្ហាញអារម្មណ៌សោកស្តាយ ដោយសារតែការរាតត្បាតនៃកូវីដ បានធ្វើអោយលោកមិនអាចធ្វើការជួបជុំគ្រូបង្រៀនភូមិទាំងអស់ ដែលធ្លាប់ធ្វើនៅ Sanya លើកោះនៃខេត្ត Hainan។
បន្ទាប់ពីការបង្ហាញខ្លួនជាលើកដំបូង នៅលើវីដេអូនោះ បានធ្វើអោយបណ្ណទីផ្សារភាគហ៊ុនរបស់ Alibaba កើនឡើង ២,៣% ដែលមានតម្លៃ ២៤៩,៨០ដុល្លារហុងកុង។ ក្រុមហ៊ុន Ant និង Alibaba ទាំងពីរ គឺមានទីតាំងស្ថិតនៅទីក្រុង ហាំងចូវ នៃខេត្ត Zheijang ក៏ប៉ុន្តែយើងមិនបានដឹងថាវីដេអូនោះបានថតនៅទីណានោះឡើយ។ អ្នកនាំពាក្យរបស់ Ma’s foundation បានប្រាប់ Nikkei Asia ថាលោកបានចូលរួមពិធីប្រគល់រង្វាន់ប្រចាំឆ្នាំកាលពីថ្ងៃពុធនោះ។
