ក្រុមហ៊ុន Apple នៅសហរដ្ឋអាមេរិក បានចាប់ផ្ដើមដាក់លក់ iPhone 14, iPhone 14 Plus, iPhone 14 Pro និង iPhone 14 Pro Max ប្រភេទមួយទឹក (Refurbished) ដែលនេះជាការលក់លើកដំបូងចាប់តាំងពីស្មាតហ្វូននេះបានប្រកាសចេញក្នុងឆ្នាំ២០២២។
ក្នុងនោះ iPhone 14 មានតម្លៃចាប់ពី ៦១៩ដុល្លារ iPhone 14 Pro មានតម្លៃចាប់ពី ៧៥៩ដុល្លារ និង iPhone 14 Pro Max មានតម្លៃចាប់ពី ៨៤៩ដុល្លារ។ យ៉ាងណាមិញ iPhone 14 Plus នៅមិនទាន់មានស្តុកនៅឡើយទេ។
iPhone 14 Series បានប្រកាសចេញកាលពីខែកញ្ញា ឆ្នាំ២០២២ ហើយក្រោយការប្រកាសចេញ iPhone 15 Series ក្រុមហ៊ុន Apple បានឈប់លក់ iPhone 14 Pro និង iPhone 14 Pro Max ថ្មី។
ផលិតផលមួយទឹកដែល Apple លក់នេះ មានថ្មថ្មី សម្បកថ្មី និងមានខ្សែសាកថ្មីផងដែរ ដែលវាមិនខុសពី iPhone ដែលទើបហែកពីប្រអប់ថ្មីនោះឡើយ។ ជាងនេះទៀត Apple ក៏ផ្ដល់ជូនការធានារយៈពេលមួយឆ្នាំដូចនឹង iPhone ថ្មីផងដែរ៕