ក្រុមហ៊ុន realme បានចាប់ផ្ដើមដាក់លក់សាជាថ្មនូវស្មាតហ្វូនត្រកូល GT នៅលើទីផ្សារបរទេស ចាប់ផ្ដើមជាមួយប្រទេសឥណ្ឌា ជាមួយការប្រកាសចេញស្មាតហ្វូន GT 6T ដែលវាស្រដៀងទៅនឹង GT Neo6 SE ដែរ ប៉ុន្តែមានល្បឿនសាកលឿនជាង។
ស្មាតហ្វូន GT 6T ប្រើប្រាស់នូវឈីប Snapdragon 7+ Gen 3 អមជាមួយ RAM ទំហំដល់ 12GB និងអង្គផ្ទុកដល់ 512GB។ វាមានបំពាក់អេក្រង់ ៦,៧៨អ៊ីញ LTPO AMOLED ដែលអាចបាញ់ពន្លឺបានដល់ 6,000 nits និងមានកម្រិតបង្ហាញ 2,780 x 1,264ភីកសែល និងគាំទ្រ refresh rate 120 Hz។
កាមេរ៉ាគោលខាងក្រោយមានទំហំ 50MP ជា Sensor Sony LYT-600 និងមាន Aperture f/1.9 អមជាមួយកាមេរ៉ា Ultrawide 8MP និងមានកាមេរ៉ាខាងមុខទំហំ 32MP។
ស្មាតហ្វូននេះបំពាក់ដោយថ្មទំហំ 5500mAh ដែលគាំទ្រល្បឿនសាក SuperVOOC 120W ហើយមានដុំសាកមកជាមួយក្នុងប្រអប់ស្រាប់។
ស្មាតហ្វូន GT 6T មានតម្លៃចាប់ពី ៣៧០ដុល្លារ សម្រាប់ RAM 8GB អង្គផ្ទុក 128GB ហើយ RAM 8GB អង្គផ្ទុក 256GB មានតម្លៃប្រមាណ ៤០០ដុល្លារ ឯ RAM 12GB អង្គផ្ទុក 256GB មានតម្លៃប្រមាណ ៤៣០ដុល្លារ និង RAM 12GB អង្គផ្ទុក 512GB មានតម្លៃប្រមាណ ៤៨០ដុល្លារ៕