បណ្ដាញសង្គម TikTok នាពេលបច្ចុប្បន្ននេះកំពុងធ្វើតេស្តការបង្ហោះវីដេអូដែលមានរយៈពេលដល់ ៦០នាទី ដែលមុខងារនេះកំពុងមានឲ្យប្រើសាកល្បងសម្រាប់ក្រុមអ្នកប្រើប្រាស់មួយចំនួនតូច។ នេះបើតាមការលើកឡើងរបស់ TikTok។
ពាណិជ្ជកម្ម
ការធ្វើតេស្តនេះបង្ហាញយ៉ាងច្បាស់ថា TikTok មានគោលបំណងទាក់ទាញអ្នកប្រើប្រាស់ពីបណ្ដាញ YouTube ដោយសារតែ YouTube ត្រូវបានគេស្គាល់ថាជាបណ្ដាញសង្គមវីដេអូពេញនិយមលើវីដេអូវែងៗ ស្របពេលដែល YouTube ក៏បានពង្រឹងលើមុខងារវីដេអូខ្លីៗ Shorts ដើម្បីទាក់អ្នកប្រើពី TikTok ដូចគ្នា។
ពេលដំណើរការដំបូង TikTok បានកំណត់រយៈពេលវីដេអូត្រឹម ១៥នាទីប៉ុណ្ណោះ ហើយក្រោយមកក៏បានបង្កើនរយៈពេលជាបន្តបន្ទាប់។ TikTok និយាយថាខ្លួនតែងទទួលបានសំណូមពរពីអ្នកផលិតមាតិកា ដែលចង់បានរយៈពេលវែងសម្រាប់មាតិកាដូចជាការប្រៀបធ្វើម្ហូប ការផាត់មុខ ការបង្រៀន និងវីដេអូកំប្លែងជាដើម៕