iPhone 15 ទាំងបួនម៉ូដែល ត្រូវបានលក់បញ្ចុះតម្លៃនៅប្រទេសចិនដោយ Apple ក្នុងតម្លៃរាប់រយដុល្លារ ស្របពេលដែលការលក់របស់ក្រុមហ៊ុននៅទីផ្សារប្រទេសនេះ មិនបានច្រើនដូចជាការរំពឹងទុក។
ក្រុមហ៊ុន Apple បានដាក់ដំណើរការប្រូម៉ូសិនឈ្មោះថា Apple 618 លើវិបសាយទិញទំនិញ JD.com ដើម្បីជាការចូលរួមក្នុងព្រឹត្តិការណ៍ថ្ងៃទី១៨ ខែមិថុនា ជាព្រឹត្តិការណ៍លក់ទំនិញអនឡាញធំជាងគេប្រចាំដើមឆ្នាំ។
បើតាម ITHome ត្បិតថាព្រឹត្តិការណ៍នេះនៅសល់ពេលជិត១មួយខែទៀត ប៉ុន្តែកម្មវិធី Apple 618 បានចាប់ផ្ដើមដំណើរការនៅថ្ងៃទី២០ ខែឧសភា។
ក្នុងនោះ iPhone 15 Pro Max 1TB មានការបញ្ចុះតម្លៃប្រមាណ ៣១៨ដុល្លារ នៅសល់ត្រឹមប្រមាណ ១៤៧៨ដុល្លារ ខណៈ iPhone 15 Pro Max ទំហំដទៃទៀតមានចុះថ្លៃប្រមាណ ២៨០ដុល្លារ ដែរ។
ដោយឡែក iPhone 15 Pro បានបញ្ចុះតម្លៃប្រមាណ ២៦០ដុល្លារ ជាមួយតម្លៃថ្មីចាប់ពីប្រមាណ ៨៤៣ដុល្លារ ប៉ុណ្ណោះ ឯ iPhone 15 និង 15 Plus បានបញ្ចុះតម្លៃនៅសល់ចាប់ពីប្រមាណ ៦៣៥ដុល្លារ និងចាប់ពីប្រមាណ ៧៧៣ដុល្លារ៕