រូបរាងនៃស្មាតហ្វូនបត់ជំនាន់ថ្មីរបស់ Motorola ម៉ូដែល Razr 50 បានលេចធ្លាយលើអនឡាញ និងបានបង្ហាញអំពីលក្ខណៈសម្បត្តិមួយចំនួនផងដែរ។
ចំណុចផ្លាស់ប្ដូរធំលើម៉ូដែល Razr 50 នេះគឺនៅត្រង់រូបរាងខាងក្រៅ ដោយមានលាយឡំជាមួយស្បែក ហើយមានអេក្រង់ខាងក្រៅដែលមានទំហំធំជាងមុន មានទំហំដល់ ៣,៦៣អ៊ីញ ជាប្រភេទបន្ទះអេក្រង់ pOLED។
នៅផ្នែកខាងក្នុងវិញមានអេក្រង់ pOLED ទំហំ ៦,៩អ៊ីញ មាន Refresh Rate 120Hz អាចបង្ហាញរូបភាពកម្រិត 1080 x 2640ភីកសែល។ សម្រាប់កាមេរ៉ា មានកាមេរ៉ាគោល 50MP, កាមេរ៉ា Ultrawide 13MP និងកាមេរ៉ា Selfie ទំហំ 13MP។ ម៉ូដែល Razr 50 ធម្មតាមានប្រើឈីប MediaTek Dimensity 7300X 5G ជាមួយ RAM 8GB និងអង្គផ្ទុក 256GB និងមានថ្មទំហំ 4200mAh។
ចូលដល់ Razr 50 Ultra វិញ មានអេក្រង់ខាងក្រៅទំហំ ៤អ៊ីញ មានរចនាបថស្រោបដោយស្បែកយ៉ាងប្រណីត។ អេក្រង់ខាងក្នុងមានទំហំដូចគ្នា ខុសគ្នាត្រង់ Refresh Rate មានដល់ទៅ 165Hz។ ចំណែកកាមេរ៉ាគោលទំហំ 50MP អមជាមួយកាមេរ៉ា Telephoto 50MP និងកាមេរ់ា Selfie 32MP នៅខាងក្នុង។
Razr 50 Ultra នឹងប្រើប្រាស់ឈីប Snapdragon 8s Gen 3 រួមផ្សំនឹង RAM 12GB និងអង្គផ្ទុក 256GB ខណៈថ្មមានទមហំ 4000mAh ប៉ុណ្ណោះ។ ស្មាតហ្វូនទាំងពីរ រំពឹងថានឹងចេញលក់នៅអំឡុងខែមិថុនាខាងមុខ៕