កាលពីពេលមុនគេបានឃើញរូបភាពបែកធ្លាយនៃ Google Pixel 9 Pro ហើយថ្ងៃនេះ ប្រភពដែលបានទម្លាយរូបភាពនេះ បានវិលត្រឡប់មកវិញជាមួយរូបភាពកាន់តែច្រើន មានទាំង Pixel 9 និង Pixel 9 Pro XL ផងដែរ។
ពាណិជ្ជកម្ម
បញ្ជាក់ថាឈ្មោះ Pixel 9 Pro នេះ នៅមិនទាន់មានការបញ្ជាក់នៅឡើយទេ ប៉ុន្តែ Google គ្រោងប្រកាសចេញស្មាតហ្វូនលំដាប់ខ្ពស់ ៣ប្រភេទ ហើយបច្ចុប្បន្នគេហៅពួកវាថា Pixel 9, Pixel 9 Pro និង Pixel 9 Pro XL។
Pixel 9 ដែលបង្ហាញនេះមាន RAM ទំហំ 12GB ខណៈពីរផ្សេងទៀតមាន RAM ទំហំ 16GB ហើយអង្គផ្ទុកមានទំហំ 128GB ដូចគ្នា។ Pixel 9 មានអេក្រង់ ៦,២៤អ៊ីញ ខណៈ Pixel 9 Pro មានទំហំ ៦,៣៤អ៊ីញ និង Pixel 9 Pro XL មានទំហំ ៦,៧៣អ៊ីញ។
Pixel 9 Pro និង Pixel 9 Pro XL មានកាមេរ៉ាចំនួនបីគ្រាប់ទំហំ 50MP ខណៈ Pixel 9 មានតែកាមេរ៉ាគោល និងកាមេរ៉ា Ultrawide ប៉ុណ្ណោះ ហើយស្មាតហ្វូនទាំងបីនេះនឹងប្រើប្រាស់ឈីប Tensor G4 របស់ Google៕