ក្រុមហ៊ុន MacPaw បាននិយាយថាផ្សារកម្មវិធី Setapp ដែលជាជម្រើសថ្មីសម្រាប់អ្នកប្រើប្រាស់ iPhone នឹងចាប់ផ្ដើមដាក់ដំណើរការនៅថ្ងៃទី១៤ ខែឧសភា សម្រាប់អ្នកប្រើប្រាស់ក្នុងតំបន់សហភាពអឺរ៉ុប។
ពាណិជ្ជកម្ម
ផ្សារកម្មវិធី Setapp បានចាប់ផ្ដើមបង្កើតឡើងតាំងពីខែកុម្ភៈ នៅពេលដែល Apple បានប្រកាសជាលើកដំបូងអំពីការបើកសិទ្ធិឲ្យអ្នកប្រើប្រាស់ទាញយកកម្មវិធីពីផ្សារកម្មវិធីដទៃក្រៅពី App Store ដែលមាននៅលើ iOS 17.4។
Setapp មានផ្ដល់ជាសេវាកម្មបង់ប្រាក់ប្រចាំខែដើម្បីអាចឲ្យអ្នកប្រើប្រាស់ចូលប្រើកម្មវិធីជាច្រើនក្នុងតម្លៃ ៩,៩៩ដុល្លារ ក្នុងមួយខែ។ វាមានបញ្ចូលកម្មវិធីល្បីៗដូចជា Ulysses, iStat Menus, Spark, Unite និង Yoink ជាដើម៕