ចិញ្ចៀនវៃឆ្លាត Oura Ring អាចធ្វើការវាស់ស្ទង់ព័ត៌មានសំខាន់ៗជាច្រើនទាក់ទងនឹងបេះដូងដូចជាការប្រែប្រួលនៃចង្វាក់បេះដូង និងចង្វាក់បេះដូងពេលហាត់ប្រាណ។ ហើយពេលនេះក្រុមហ៊ុនបានបន្ថែមមុខងារពីរថ្មីទៀត ដែលអាចប្រាប់អំពីអាយុកាលនៃបេះដូង និងមុខងារណែនាំអំពីការពង្រឹងប្រព័ន្ធដង្ហើម។
ក្រុមហ៊ុន Oura បានប្រកាសថាចិញ្ចៀនវៃឆ្លាតរបស់ខ្លួន នឹងមានបន្ថែមុខងារថ្មីចំនួនពី ដែលអាចប្រាប់អំពីអាយុកាលនៃបេះដូង និងមុខងារណែនាំអំពីការពង្រឹងប្រព័ន្ធដង្ហើម។
អាយុកាលនៃបេះដូង អាចឲ្យអ្នកយល់បានថាសុខភាពបេះដូងរបស់អ្នកស្ថិតនៅចំណុចណា។ ប្រសិនបើបេះដូងរបស់អ្នកក្មេង នោះហានិភ័យនៃការកើតជំងឺបេះដូង ឬដាច់សរសៃឈាមបេះដូង កាន់តែទាបតាមនោះ។
បើតាមក្រុមហ៊ុន Oura មុខងារថ្មីនេះដំណើរការដោយវិភាគលើព័ត៌មានមួយចំនួនទាក់ទងនឹងអាយុ ក្នុងសញ្ញានៃ PPG ដែលវាជាបច្ចេកទេសមួយក្នុងការសង្កេតអំពីទំហំនៃចរន្តឈាម។ បន្ថែមពីនេះព័ត៌មាន PWV ក៏ត្រូវបានប្រមូលផងដែរ ដើម្បីវាស់អំពីភាពរឹងនៃសរសៃឈាម។ ក្រោយពាក់ចិញ្ចៀនបាន ១៤ថ្ងៃ កម្មវិធីនឹងបង្ហាញអំពីអាយុបេះដូងដល់អ្នកប្រើប្រាស់។
មុខងារថ្មីនេះមិនទាន់ចេញនៅឡើយទេ ដោយ Oura បានប្រាប់ថាមុខងារថ្មីនេះនឹងបញ្ចេញឲ្យប្រើនៅចុងខែឧសភា ឆ្នាំ២០២៤៕