TikTok ជាបណ្ដាញសង្គមដំបូងគេ ប្រាប់អ្នកមើលថាមាតិកាណាធ្វើដោយ AI

បណ្ដាញសង្គម TikTok បានប្រកាសថាខ្លួនចាប់ផ្ដើមធ្វើការដាក់កំណត់សម្គាល់ដោយស្វ័យប្រវត្តិលើមាតិកាណាដែលផលិតឡើងដោយបច្ចេកវិទ្យា AI ផ្សេងក្រៅពី TikTok ដែលនេះជាវិធានការមួយទប់ស្កាត់កុំឲ្យរូបភាព ឬវីដេអូ AI បង្កើតជារឿងយល់ច្រឡំ។

ពាណិជ្ជកម្ម

មាតិកាដែលបង្កើតឡើងដោយប្រើប្រាស់ AI របស់ TikTok បានបញ្ជាក់ពីកំណត់សម្គាល់ AI អស់ពេលជាងមួយឆ្នាំមកហើយ ប៉ុន្តែតទៅថ្ងៃមុខការប្រើប្រាស់ AI ផ្សេងៗក្រៅពី AI របស់ TikTok ក៏នឹងមានសញ្ញាបញ្ជាក់ថាផលិតដោយ AI ដូចគ្នា។

ឧបករណ៍របស់ TikTok នឹងធ្វើការអានមាតិកា Content Credentials ជាបច្ចេកវិទ្យាពីស្ថាប័ន Coalition for Content Provenance and Authenticity ដែល Content Credentials បានបង្កើតឡើងដោយភ្ជាប់ Metadata ជាមួយមាតិកា AI។

ការដាក់សញ្ញាសម្គាល់នេះ នឹងចាប់ផ្ដើមពីពេលនេះលើរូបភាព និងវីដេអូ ហើយឆាប់ៗខាងមុខមាតិកាប្រភេទសម្លេងសុទ្ធនឹងមានដូចគ្នា។ មាតិការដែលផលិតឡើងដោយ AI នឹងឃើញមានស្លាកសរសេរថា “AI-generated” នៅពីក្រោមឈ្មោះគណនី TikTok៕