ក្រុមហ៊ុន HMD Global បានប្រកាសចេញទូរសព្ទដៃ Nokia 3210 ដែលការឌីហ្សាញបានយកលំនាំតាមទូរសព្ទ Nokia 3210 ឈ្មោះដូចគ្នា ដែលបានប្រកាសចេញកាលពី២៥ឆ្នាំមុន។
ពាណិជ្ជកម្ម
ប្រៀបនឹងស៊េរីឆ្នាំ១៩៩៩ ទូរសព្ទ Nokia 3210 នៃឆ្នាំ២០២៤ មានរូបរាងស្ដើងជាងមុន ប៉ុន្តែប៊ូតុង Navigation បានជំនួសជាមួយប៊ូតុងច្រើនជាងមុន ហើយវាថែមមានកាមេរ៉ាក្រោយ ២MP និងប្រើរន្ធសាក USB-C ទៀតផង។
ចំពោះលក្ខណៈសម្បត្តិបច្ចេកទេសវិញ Nokia 3210 នេះប្រើអេក្រង់ ២,៤អ៊ីញ LCD ជាមួយកម្រិតបង្ហាញ QVGA និងប្រើឈីប Unisoc T107, RAM ទំហំ 64MB និងអង្គផ្ទុក 128MB អាចពង្រីកបានដល់ 32GB ជាមួយរន្ធ microSD។
ទូរសព្ទ Nokia 3210 មាន Bluetooth 5.0 មានមុខងារវិទ្យុ និងមានរន្ធកាស 3.5mm អមជាមួយថ្មដោះចេញបានទំហំ 1450mAh។ វាមានលក់លើទីផ្សារអឺរ៉ុបមុនគេជាមួយតម្លៃប្រមាណ ៩៧ដុល្លារ៕